Violet 💜

Violet 💜

Part 1

Kasol ഭൂമിയിലെ ഒരു സ്വർഗം. പെട്ടന്ന് ആരുടെയും ശ്രദ്ധയിൽ പെടാത്ത ഒരു ബ്യൂട്ടിഫുൾ വില്ലേജ്. ഹിമാചൽ പ്രദേശിലെ kullu district ഉള്ള ഒരു കുഞ്ഞു വില്ലേജ് ആണു kasol. അതി മനോഹരമായ ഗ്രാമം. തികച്ചുo ശാന്തമാണിവിടം, നമ്മുടെ ഒക്കെ ഭാഷയിൽ പറഞ്ഞാൽ “പീസ് മൂഡ് ഓൺ. “

കാസോളിന്റെ ഭംഗി എന്നു പറയുന്നതു ഇവിടുത്തു മൗണ്ടെയ്നസ് ആണ്. മനം കവരുന്ന സൗന്ദര്യം നൽകി ഒഴുകുന്ന പാർവതി നദി. പിന്നെ വലിയ വലിയ പച്ചവിരിച്ച മല നിരകൾ, വാനോളം ഉരത്തിൽ നിൽക്കുന്ന പൈൻ മരങ്ങൾ. ശിവന്റെ കുറെ അമ്പലങ്ങൾ, ഇവിടെ നടക്കുന്ന ഫെസ്റ്റിവൽ നുo ഒരുപാടു പ്രത്യേകതയാണ്. മഞ്ഞു വീഴാൻ തുടങ്ങിയാൽ വല്ലാത്തൊരു ഭംഗി ആണു ഇവിടം. വെറൈറ്റി പൂക്കൾ, പടർന്നു നിൽക്കുന്ന yellow, violet നിറത്തിലും ചെറിയ പൂക്കൾ കാണാൻ വളരെ മനോഹരം ആണു. പ്രത്യേകത എന്താണെന്നു വച്ചാൽ ഇവിടെ എല്ലാം സീസൺ ഉണ്ടു സമ്മർ, മഞ്ഞു വീഴ്ച, അങ്ങനെ.. മിക്കപ്പോഴും തണുത്ത കാലാവസ്ഥാ ആണു. പൊതുവെ literacy ലോ ആയുള്ള ആളുകൾ ആണു. മെയിൻ ഭാഷ ഹിന്ദി, കൂടാതെ സംസ്കൃതവും. ഇവിടെ ഉള്ള മനുഷ്യർ നല്ല സ്നേഹം ഉള്ളവരാണു. ഇവിടുത്തെ നായകളെ കാണാൻ നല്ല ഭംഗി ആണു. ഒരു വശത്തു മല നിരകൾ ആണെങ്കിൽ മറുവശത്തു കൊക്ക ആണു. കാസോളിനെ വേർതിരിക്കുന്ന പാലം രണ്ടു വശത്തായിട്ടും ഓൾഡ് കാസോൾ ആൻഡ് ന്യൂ കാസോളും. ന്യൂ കാസോളിനു കുറുകെ ഒഴുകുന്ന പാർവതി നദി. ഷീറ്റ് മേഞ്ഞ വീടുകൾ അതും ഒരു പ്രത്യേകത ആണു. പ്രകൃതിരമണീയം ആയി തോന്നും ഇവിടുത്തെ ഓരോ സ്ഥലങ്ങളും. അതുപോലെ തികച്ചുo ശാന്തവും. മനസിനു കുളിരെക്കുന്ന പ്രകൃതി സൗരഭ്യം.
കാസോളിനു അടുത്താണ്
മണികരൺ, ഒരു വശത്തു ആപ്പിൾ മരങ്ങളും മറുവശത്തു പാർവതിനദി. ഒറ്റപ്പെടലിന്റെ കഥ പറയുന്ന പുരാതന കെട്ടിടങ്ങൾ, പൈൻ മരങ്ങൾ അങ്ങനെ ഒരുപാടു ഉണ്ടു. മണികരൺ എന്നതു ഒരു ഗുരുദ്വാരയാണ്. കാസോൾ നിന്നും വ്യത്യസ്തo ആണു ഈ സ്ഥലം. തപസ്സുo പാർത്ഥനകളും എല്ലാം നിറഞ്ഞ അവിടുത്തെ ഹോട്ട് വാട്ടർ സ്പ്രിംങ് വളരെ പ്രസിദ്ധമാണ്.

കാൽഗ ചുറ്റും മല നിരകൾ മഞ്ഞു മൂടിയ പാർവതനിരകൾ എപ്പോഴും തണുപ്പ് കൂടിയ സ്ഥലം.
അതുപോലെ തന്നെ കാസോൾ ഉള്ള രസോൾ ഏറെ ഭംഗിയാർന്ന ഒരു സ്ഥലം കൂടി ആണു.

കഴിഞ്ഞ നാലു വർഷമായി തിരുവനന്തപുരക്കാരനായ രുദ്രൻ കാസോളിൽ ഒരു റിസോർട്ട് ൽ വർക്ക്‌ ചെയ്യാണ്. അച്ഛനും അമ്മയും അനിയത്തിയും അടങ്ങുന്ന ഒരു സന്തുഷ്ട കുടുംബം. പുറമെ ശാന്തസ്വഭാവക്കാരൻ ആണെങ്കിലും പരമശിവനെ പോലെ ക്ഷിപ്രകോപിയും ആണു. ശിവ ഭക്തൻ. ആരോടും അധികമായി സംസാരിക്കാത്ത പ്രകൃതം. വിരലിൽ എണ്ണിയാൽ ഒത്തുങ്ങുന്ന സുഹൃത്തുക്കൾ. യാത്രകളോട് ഏറെ പ്രണയം തോന്നി, തന്റെ സ്വപ്‌നങ്ങൾക്കു പുറകെ ഇറങ്ങി തിരിച്ചതാണു രുദ്രൻ. പല നാടുകൾ താണ്ടി, പലതും കണ്ടും കേട്ടുമറിഞ്ഞു, യാത്ര തുടർന്നു. പ്രിയപ്പെട്ട കാഴ്ചകൾ ഓരോന്നു തന്റെ ക്യാമറയിൽ പകർത്തി. ചിലതു അവന്റെ ഹൃദയത്തിലും. ജീവിതത്തിന്റെ പുതിയ ഉണർവുകൾ തേടിയുള്ള യാത്രകൾ. ഓരോ യാത്രയിലും ഓരോ അനുഭവങ്ങൾ. അങ്ങനെ ഒരു യാത്രക്കു ഇടയിൽ ആണു രുദ്രൻ കാസോളിൽ എത്തി ചേരുന്നത്. ചുരുങ്ങിയ സമയം കൊണ്ടു കാസോൾ അവനു പ്രിയപ്പെട്ടതായി മാറി. അവിടെ ഒരു റിസോർട്ട് ൽ ജോലിക്ക് കയറി. കാലക്രമേണ കാസോളുമായി ഒരു ആത്മ ബന്ധം ഉടലെടുത്തു. കാസോൾ അവന്റെ ജീവിതത്തിന്റെ ഒരു ഭാഗമായി മാറി. ശിവസംഗീതത്തിൽ എല്ലാം മറന്നവൻ പലപ്പോഴും ലയിച്ചു ഇരുന്നു. അവന്റെ സന്തോഷങ്ങൾക്കു ദുഃഖങ്ങൾക്കു കാസോൾ സാക്ഷിയായി.

റിസോർട്ടിൽ വന്ന ടൂറിസ്റ്റ്കളെ ഡീൽ ചെയ്യുന്ന തിരക്കിൽ ആയിരുന്നു രുദ്രൻ. തുടരെ തുടരെ ഉള്ള ഫോൺ റിങ് ചെയ്യുന്നതും കൊണ്ടു, ഫോൺ slient ആക്കി. കസ്റ്റമേഴ്സ് താമസിക്കാൻ ഉള്ള ഹോം റെഡി ആക്കി കൊടുത്തു, അവരെ അവിടെ ആക്കി. അവൻ പുറത്തേക്കു ഇറങ്ങി.

ഫോൺ slient തുറന്നു വന്ന നമ്പറിലേക്കു വിളിക്കാൻ നോക്കുമ്പോഴാണ് ഫോൺ വീണ്ടും റിങ് ചെയ്യുന്നതു.

ഡിസ്പ്ലേയിൽ പാർവതി എന്ന പേരു തെളിഞ്ഞു. അവന്റെ മുഖത്തു എന്തന്നില്ലാത്ത ഒരു പുഞ്ചിരി വിടർന്നു. കാൾ അറ്റൻഡ് ചെയ്തു.

“ഗുഡ് മോർണിംഗ് പാർവതി… വളരെ സ്നേഹദ്രമായി പറഞ്ഞു.”

“ബാഡ് മോർണിംഗ്.. കൊഞ്ചി കൊണ്ടവൾ പറഞ്ഞു. എവിടെ ആയിരുന്നു രുദ്രാ… ഞാൻ എത്ര തവണ വിളിച്ചു.”

“തിരിക്കിൽ ആയിരുന്നു ഡീ.. അതാ എടുക്കാഞ്ഞെ..?”

മ്മ്.

“പിണങ്ങല്ലേ ടീച്ചറെ.. ക്ലാസ്സ്‌ ഇല്ലേ ഇന്നു.”

“ഇപ്പോ ഫ്രീ ഹവർ ആണു.”

(പാർവതി കോളേജ് ടീച്ചർ ആയി വർക്ക്‌ ചെയ്യുന്നു. സ്വദേശം കോഴിക്കോട്. അമ്മയും ചേച്ചിയും അടങ്ങുന്ന കുടുബം, ചേച്ചി വിവാഹിത ആണു. ആരേയും ആകർഷിക്കുന്ന മുഖഭാവം. ശാന്തസ്വഭാവം, സംസാരിക്കാൻ ഏറെ ഇഷ്ടപെടുന്നവൾ. കുട്ടികളുടെ ഇഷ്ടപ്പെട്ട ടീച്ചർ. ടീച്ചർ ൽ ഉപരി അവർക്കു അവൾ നല്ലയൊരു സുഹൃത്തു, വഴികാട്ടിയും ആണു )

“പിന്നെ പറയി…?”

“രുദ്രാ.. ഞാൻ ഒരു ചോദ്യം ചോദിക്കട്ടെ…?”

“ആഹ്. പറയൂ.. രുദ്രന്റെ പാർവതി.”

അവളുടെ മുഖത്തു എന്താന്നില്ലാതെ സന്തോഷം നിറഞ്ഞു. “രുദ്രന്റെ പാർവതി” അവൾ മനസ്സിൽ പറഞ്ഞു.

“പറയട്ടെ..”

“ആഹ്..?”

ശ്രദ്ധിച്ചു കേൾക്കണം.

“ആഹ് “

“എല്ലാ അച്ചാറിലും ഇടുന്ന ഒരു സാധനം. പക്ഷേ ആ സാധനം ആരും കഴിക്കാറില്ല.”

തുടരും

✍️ അനു

എന്റെ തൂലിക ഗ്രൂപ്പിൽ ആദ്യമായി സ്റ്റോറി പോസ്റ്റ്‌ ചെയ്യുകയാണു. കഥ ഇഷ്ടമായാൽ സപ്പോർട്ട് ചെയ്യുക.