ഇച്ചായന്റെ മൊഞ്ചത്തി

അവനുണ്ടോ അവിടെ…

ആര്…

ദേ എലി … എന്നെ വെറുതെ ദേഷ്യം പിടിപ്പിക്കല്ലേ… നിന്റെ ആ പ്രേതകണ്ണൻ ഇച്ചായൻ ഉണ്ടോന്നാ ചോദിച്ചത്…

ഫോണിൽ പിടി മുറുക്കി കൊണ്ട് മറുവശമുള്ളവളുടെ സംസാരം കേൾക്കെ ആ ചുവന്ന മുഖം മനസ്സിൽ കണ്ടത് പോലെ എൽസ ഒന്ന് കുലുങ്ങി ചിരിച്ചു….

എലി …

പല്ല് കടിച്ചു പൊട്ടിക്കും വിധമുള്ള ഇവയുടെ സ്വരം…

എന്താടി പട്ടി കിടന്ന് കാറുന്നത്… വക്കീൽ ഇപ്പോൾ ഇവിടെ ഇല്ലാ….നീ കണ്ണും പൂട്ടി ഇങ് പോര്…

ജനലിലൂടെ ഫെലിക്സിന്റെ താർ പോർച്ചിൽ ഇല്ലെന്ന് ഒരിക്കൽ കൂടെ ഉറപ്പ് വരുത്തി കൊണ്ട് എൽസ പറഞ്ഞു… അത് കേൾക്കെ ഇവയിൽ ഒരു നിശ്വാസം…

പേടി ഒന്നുമല്ല…ഈ പറയുന്ന കക്ഷി പണ്ടും ഒരു ചൊറിയൻ തവള ആയിരുന്നു…. ഇപ്പോൾ വളർന്നു വലുതായി  പേര് കേട്ട വലിയ വക്കീലായിട്ടും ആ സ്വഭാവത്തിന് വലിയ മാറ്റമൊന്നും ഇല്ലാ… അവന്റെ നിഴൽ വട്ടം കണ്ടാൽ ഇവക്ക് ആ ദിവസം പോകും… അമ്മാതിരി വർത്താനം ആണ് പ്രേതക്കണ്ണന്….

എൽസയുടെ ഫോൺ കട്ടായത്തും ഇവ ഫോണും കയ്യിലെടുത്തു വീട്ടിൽ നിന്ന് ഇറങ്ങി… ആ പോക്ക് എങ്ങോട്ടാണെന്ന് അറിയാവുന്നത് കൊണ്ട് അവളുടെ അമ്മച്ചി ലിസി ഒന്നും ചോദിച്ചില്ല…

സ്വന്തം വീട്ടിൽ നിന്നിറങ്ങി ഗേറ്റ് അടച്ചു കൊണ്ട്  ആ വളവിൽ തന്നെയുള്ള മറ്റൊരു വില്ലയിലേക്കവൾ കയറി…

ഓഹ്… ഇപ്പോഴെങ്കിലും ഇങ്ങോട്ടേക്കു വരാൻ തോന്നിയോ…ഞാൻ കരുതി നീ ഇങ്ങോട്ടേക്കുള്ള വഴിയൊക്കെ മറന്നു കാണുമെന്ന്

അകത്തു കാലു കുത്തും മുൻപ് തന്നെ റോസിയാന്റിയുടെ ശബ്ദം… ഇവ വെളുക്കനെ ഒന്ന് ചിരിച്ചു കൊടുത്തു…

അങ്ങനെ അങ്ങ് മറക്കാൻ പറ്റുന്ന വഴിയാണോ ഇത് എന്റെ റോസിയാന്റി…. പിന്നെ കുറച്ച് തിരക്കിൽ പെട്ട് പോയി… എന്നിട്ടും സമയം ഉണ്ടാക്കി ഞാനിങ്ങോട്ട് വന്നില്ലേ…

റോസിയുടെ പിറകെ അടുക്കളയിലേക്ക് നടക്കുന്നതിനിടയിൽ ഇവ പറഞ്ഞു… അതിന് റോസി അവളെ ഒന്ന് ഇരുത്തി നോക്കി കൊണ്ട് തലയാട്ടി… ചെറുപ്പം മുതൽ എടുത്ത് വളർത്തിയത് കൊണ്ടാകാം ഇവയുടെ ഉഡായിപ്പൊന്നും ഇവിടെ ഏൽക്കാറില്ല….

നീ വല്ലതും കഴിച്ചായിരുന്നോ കൊച്ചേ…

ബീഫ് സ്റ്റു ബൗളിലേക്ക് മാറ്റുന്നതിനിടയിലുള്ള റോസിയുടെ ചോദ്യം കേൾക്കെ രാവിലെ കഴിച്ച പുട്ടും കടലയും ദഹിച്ചത് പോലെയാണ് അവൾക്ക് തോന്നിയത്…അത് കൊണ്ട് തന്നെ അവിടെ കൗണ്ടർ ടോപ്പിൽ ഇരുന്ന് കൊണ്ട് തന്നെ ഇവ തീറ്റ തുടങ്ങി… അധികം വൈകാതെ തന്നെ എൽസയും കൂടി….

ഹാ… ആരിത് എന്റെ പൊട്ടസോ….

തീറ്റ കഴിഞ്ഞതിനു ശേഷം ഹാളിലിരുന്നു Netflix ഇൽ ഏതോ സീരിസ് കാണുമ്പോൾ ആയിരുന്നു ആ വൃത്തികെട്ട ശബ്ദം ഇവയുടെ ചെവിയിൽ പതിഞ്ഞത്…
പൊട്ടാസ് തന്റെ കുഞ്ഞമ്മ എന്ന് പറയാൻ നാവ് തരിച്ചെങ്കിലും ഇവ ഒന്നും പറഞ്ഞില്ല…പറഞ്ഞാൽ പിന്നെ അങ്ങോട്ടും ഇങ്ങോട്ടും പറഞ്ഞു വെറുപ്പിച്ചു വിടും വക്കീൽ…

സ്വന്തം ഇച്ചായന്റെ ശബ്ദം കേട്ടതും എൽസയും ഒന്ന് തല പൊന്തിച്ചിരുന്നു… പിന്നെ പുച്ഛിച്ചു കൊണ്ട് കണ്ണ് സ്‌ക്രീനിലേക്ക് തന്നെ നീട്ടി….

എന്നതാ എന്റെ കൊച്ചിന് ഒരു മൈൻഡ് ഇല്ലാത്തത്…മ്മ് ഇച്ചായനോട് പിണക്കമാ….ഈ പിണക്കം മാറ്റാൻ ഇച്ചായൻ എന്നാ തരണം… ഒരു ലുമ്മ തരട്ടെ…

മിണ്ടാതിക്കാം… മടുത്താൽ നിർത്തി പൊക്കോളും എന്ന മട്ടിൽ ഇരിക്കുന്നവളുടെ അടുത്ത് വന്നു കൊഞ്ചുന്നുണ്ട് വക്കീൽ….തൊട്ടപ്പുറത്തെ സോഫയിൽ പെങ്ങൾ ഇരിക്കുന്നത് കൊണ്ടാകാം അവസാനം ആ പറഞ്ഞത് ഒരു രഹസ്യം കണക്കെ ആണ്….

അത് തന്റെ പെണ്ണുംപിള്ളയ്ക്ക് കൊണ്ട് പോയി കൊടുക്കടോ ചപ്രതലയാ… അവന്റെ ഒരു… എന്നെ കൊണ്ട് പറയിക്കരുത്…

ഇപ്പോഴാ പൊട്ടാസ് എന്റെ പൊട്ടാസ് ആയത്….അല്ലെങ്കിലും പെൺപിള്ളേർ ആയാൽ ഇങ്ങനെ വേണം… ആറ്റം ബോമ്പിനും സൽഫ്യൂറിക് ആസിഡിനും ഉണ്ടായത് പോലെ..അല്ലേ കൊച്ചേ…

ഇനി താൻ വാ തുറന്നാൽ അമ്മച്ചിയാണേ സത്യം ദേ ആ രണ്ട് പ്രേതകണ്ണും ഞാൻ കുത്തി പൊട്ടിക്കും…

വീണ്ടും വെടക്ക് ചിരിയാലേ പറയുന്നവനെ നോക്കി കൊണ്ട് ചൂണ്ട് വിരലും നടു വിരലും ആ കണ്ണിന് നേരെ ഉയർത്തി കൊണ്ട് രോഷത്തോടെ ഇവ പറഞ്ഞു….

അല്ലെങ്കിലും നിനക്കൊക്കെ എന്റെ കണ്ണിനോട് കടുത്ത അസൂയ ആണെന്ന് എനിക്ക് പണ്ടേ അറിയാം…..

ഓഹ്… പിന്നെ അസൂയപ്പെടാൻ പറ്റിയ ഒരു കണ്ണ്…

പുച്ഛിച്ചു കൊണ്ട് ചുണ്ടും കോട്ടി പറയുന്നുണ്ടെങ്കിലും ഫെലി ആ പറഞ്ഞത് നൂറ് ശതമാനം ശരിയാണ്…. പച്ചയും കാപ്പിയും മിക്സ്‌ ആയ കണ്ണുകളാണ് ഫെലിക്ക്….ആ കാര്യത്തിൽ എൽസക്കും അവനോട് നല്ല അസൂയ ആണ്…

കുഞ്ഞാ…. വന്നു ഭക്ഷണം കഴിച്ചേ… രാവിലെ ഒന്നും കഴിക്കാതെ പോയതല്ലെ നീയ്…

ഹാളിൽ നിന്ന് ഫെലിയുടെ ശബ്ദം കേൾക്കെ റോസി കിച്ചണിൽ നിന്ന് വിളിച്ചു പറയുന്നുണ്ട്…കുഞ്ഞൻ എന്ന് വിളിച്ചത് കേൾക്കെ ഇവയും എൽസയും അവനെ കളിയാക്കി ചിരിക്കുന്നുണ്ട്… അല്ലെങ്കിലും എങ്ങനെ ചിരിക്കാതെ ഇരിക്കും…. ആറടി മൂന്നിഞ്ചിൽ ഇങ്ങനെ കുത്തനെ നിൽക്കുന്ന മനുഷ്യനെ ആണ് കുഞ്ഞൻ എന്ന് ഇപ്പോഴും വിളിക്കുന്നത്…

ഒരു കുഞ്ഞൻ…

കളിയാക്കി കൊണ്ട് എൽസ പറയുന്നത് കേട്ടെങ്കിലും അവിടെ പ്രതേകിച്ചു ഭാവമൊന്നും ഇല്ലാ… അല്ലെങ്കിലും തൊലിക്കട്ടിയുടെ കാര്യത്തിൽ ഫെലിക്ക് മുന്നിൽ പോത്ത് മാറിനിൽക്കും…

ഇനിയും അവന്റെ ചൊറിച്ചിൽ കേൾക്കാൻ വയ്യാത്തത് കൊണ്ട് എൽസയും ഇവയും നേരെ ഇവയുടെ വീട്ടിലേക്ക് പോയി….

ഡിഗ്രി കഴിഞ്ഞതേ പിഎസ്സി എന്നും പറഞ്ഞു വീട്ടിൽ തന്നെ ഇരിപ്പാണ് രണ്ടും… മുറക്ക് മുറക്ക് എക്സാം എഴുതുന്നുണ്ടെങ്കിലും എന്നതോ എന്തോ ഒന്നും അങ്ങ് ശരിയാവുന്നില്ല…. അല്ലെങ്കിലും അവരെ പറഞ്ഞിട്ട് കാര്യമില്ല… ഇതൊക്കെ manufacturing defect ആണെന്നാണ് അവരുടെ വാദം….

ഇനി നമുക്ക് രണ്ട് കുടുംബത്തെയും വിശദമായി ഒന്ന് പരിചയപ്പെടാം…

ആദ്യം ഇവയുടെ വീട്ടിൽ നിന്ന് തന്നെ തുടങ്ങാം…
മാളിയേക്കൽ വീട്… ദാമ്പതികളായ ഐസക്കിനും ലിസിക്കും രണ്ട് മക്കൾ… ഇവാനിയയും അഗസ്റ്റിനും…. രണ്ട് പേരും ഇരട്ടകൾ ആണ്…. രൂപസാദൃശ്യം ഒട്ടും ഇല്ലെങ്കിലും അച്ചിൽ വാർത്തത് പോലെയാണ് രണ്ടിന്റെയും സ്വഭാവം…പക്ഷെ ഇവയുടെ അത്ര manufacturing defect ഇല്ലാത്തത് കൊണ്ടാണോ എന്തോ ചെറുക്കന് കുറച്ച് കൂടെ വെളിവും വെള്ളിയാഴ്ചയും ഉണ്ട്… കൂടെ ഒരു ജോലിയും…ആളിപ്പോൾ എസ് ഐ സെലെക്ഷൻ കിട്ടി നിൽപ്പാണ്… ട്രെയിനിങ് തുടങ്ങാൻ ആയിട്ടില്ല…ഇരട്ടയാണ് ഒന്നിച്ചു ഗർഭപാത്രത്തിൽ ജീവിച്ചവരാണ് എന്നുള്ള സെന്റിമെന്റ്സ് ഒന്നും രണ്ടും തമ്മിൽ ഇല്ലാ…. അതിന് പ്രധാന കാരണവും പ്രേതക്കണ്ണൻ ആണ്…. കൊച്ചു (അഗസ്റ്റിൻ ) പണ്ട് തൊട്ടേ ഫെലിയുടെ ടീം ആയതിനാൽ ഇവയും ആയിട്ട് ചൊടി ആണ്..

ഇനി നമുക്ക് രണ്ടാമത്തെ കുടുംബത്തെ പരിചയപ്പെടാം…
പാലയ്ക്കൽ വീട്… എബ്രഹാമിനും റോസ്മേരിക്കും മക്കൾ മൂന്ന്… മൂത്തത് റോഷൻ എബ്രഹാം …. ഒരു പാവം എഞ്ചിനീയർ… ആളൊരു സമാധാനപ്രിയനാണ്…. അങ്ങനെ പെട്ടെന്ന് ഒന്നും ദേഷ്യം വരില്ല… ഇനി ദേഷ്യം വന്നാലോ എന്ന് പറയാൻ പുള്ളി കലിപ്പായിട്ട് ആരും കണ്ടിട്ടില്ല… അത് കൊണ്ട് തന്നെ ഇവയുടെ കണ്ണിൽ ആൾക്കൊരു വെള്ളരി പ്രാവിന്റെ രൂപമാണ്…
ഇനി രണ്ടാമത്തെ സന്താനം… നടുക്കഷ്ണം… Mr ഫെലിക്സ് ജോഷുവ…. ആ പേര് കേൾക്കുന്നത് തന്നെ ഇവക്ക് കലിയാണ്… അമ്മാതിരിയാണ് കയ്യിലിരിപ്പ്….
പേര് കേട്ട ക്രിമിനൽ ലോയർ ആണ് കക്ഷി… അടുത്തതാണ് ഇവയുടെ കരളിന്റെ കഷ്ണമായ എലിസബത് എന്ന എൽസ…ഒരു സ്വീറ്റ് ക്യൂട്ടീ പൈ എന്നൊക്കേ പറയണം എന്നുണ്ടെങ്കിലും ഇടയ്ക്ക് ചോരയുടെ ഗുണം കാണിക്കും….

ഇവയും കൊച്ചുവും എലിയും ഒക്കെ ചെറുപ്പം തൊട്ടേ ഒന്നിച്ചാണ് പഠിച്ചത്… എങ്കിലും ഇവക്ക് അടുപ്പം എലിയോടാണ് കൂടുതൽ… അത് കൊണ്ട് കൊച്ചുവിന് എലിയെ വലിയ പിടുത്തം ഇല്ലാ….
ഇവരേക്കാൾ രണ്ട് വയസ്സ് കൂടുതൽ ആണ് കുഞ്ഞന്…. ചെറുപ്പം തൊട്ടേ പഞ്ചാര കുഞ്ചുവായ കുഞ്ഞന് ഇവയോട് ഒരു പ്രത്യേക ഇളക്കം ഉണ്ടായിരുന്നു…

ഒരുളുപ്പും ഇല്ലാതെ എല്ലാവരോടും എനിക്ക് ഇവയോട് ഐ ലവ് യൂ ആണെന്ന് പറഞ്ഞു നടക്കുന്നവനെ എല്ലാവരും കളിയാക്കുമ്പോൾ അതിന്റെ ഷെയർ ഇവക്കും കിട്ടും… ഈ ലവ് എന്താണെന്ന് പോലും അറിയില്ലെങ്കിൽ കൂടെ എല്ലാവരും കളിയാക്കുന്നത് കേട്ട് ഇവയ്ക്ക് ദേഷ്യവും കരച്ചിൽ ഒക്കെ വരും… കുഞ്ഞന് പിന്നെ അന്നും അപാര തൊലിക്കട്ടി ആയത് കൊണ്ട് പിന്നെയും പിന്നെയും ഇവയോട് ഐ ലവ് യൂ പറയും… അത് കേൾക്കേണ്ട താമസം മുഖവും ചുവിപ്പിച്ചു കരയുന്നവളെ കാണെ അവന്റെ ഉള്ളിലെ സൈക്കോ ഉണരും… അവളെ കരയിക്കാനുള്ള ആവേശം കൂടും…

അങ്ങനെ എൽ പി സെക്ഷനിൽ എത്തിയപ്പോൾ ആണ് ഈ ഐ ലവ് യൂ വിന്റെ അർഥം കൊച്ചിന് മനസ്സിലായത്… എങ്കിലും കുഞ്ഞനോട് ഉള്ള കലിപ്പ് ഒട്ടും കുറഞ്ഞുമില്ല…
അവളെ ഇട്ടു വട്ടാക്കാൻ കിട്ടുന്ന ഒരു അവസരവും ഒഴിവാക്കാതെ കുഞ്ഞനും രംഗത്ത് തന്നെ ഉണ്ട്…

ഇതേ സമയം കൊച്ചുവിനും അടുപ്പം കുഞ്ഞനോടായി…. വൈകിട്ട് കളിക്കുമ്പോൾ ഒക്കെയും ഇവര് രണ്ടും ഒരു ടീം.. ഇവയും എലിയും വേറെ ടീം…. ഇവരേക്കാൾ വയസിനു മൂപ്പ് കൂടുതൽ ഉള്ളത് കൊണ്ട് ഇതിൽ നിന്നൊക്കെ റോഷി രക്ഷപ്പെട്ടു… എങ്കിലും പറ്റുന്നത് പോലെ പുള്ളി സമാധാത്തിന്റെ വെള്ള കൊടി പടർത്താൻ ശ്രമിക്കും…. അതുകൊണ്ടു തന്നെ റോഷി ഉള്ളപ്പോൾ വഴക്കിടൽ ഒന്ന് കുറയും.. റോഷിയോട് ഇരു കൂട്ടർക്കും വളരെ സ്നേഹവും ബഹുമാനവും ആണ്….

എലിക്ക് കുഞ്ഞാനോടുള്ള ദേഷ്യത്തിന്റെ കാരണം എന്തെന്നാൽ കാര്യം എത്രയൊക്കെ തരികിട ആണെങ്കിലും പുള്ളി ഒരു ബുദ്ധി ജീവി ആണ്… Lss, uss, nmms അങ്ങനെ വാങ്ങിക്കാൻ പറ്റുന്നതൊക്കെ വാങ്ങി കൂട്ടിയാണ് എല്ലാ ക്ലാസിൽ നിന്നും ചെക്കൻ ഇറങ്ങുള്ളൂ… അതിന്റെ എല്ലാ അഹങ്കാരവും ആൾക്ക് ഉണ്ട് താനും… ഇങ്ങനെ കുഞ്ഞൻ എന്തെങ്കിലും ട്രോഫിയോ സർട്ടിഫിക്കറ്റോ വീട്ടിലേക്ക് കൊണ്ട് വരുന്ന ദിവസം എലിയുടെയും ഇവയുടെയും ചെവിക്ക് സമാധാനം കൊടുക്കില്ലവൻ…. കൂടെ മുതിർന്നവരും….

---

ഇയാൾക്കു വേറെ പണിയൊന്നും ഇല്ലേ… എപ്പോൾ നോക്കിയാലും വീട്ടിൽ തന്നെ കാണുമല്ലോ…

വീട്ടിലേക്ക് വന്ന പാടെ ഇവ ഞൊടിഞ്ഞു….

Actually പണി ഇല്ലാത്തത് നമുക്കാ… ഫുൾ ടൈം വീട്ടിൽ വെറുതെ ഇരിക്കുന്നത് കൊണ്ടാണ് പണി ഉള്ളോർക്കും പണി ഇല്ലാത്തത് പോലെ നമുക്ക് തോന്നുന്നത്….

ഇവക്ക് മറുപടിയായി കാര്യമായി തന്നെ എലി പറയുന്നുണ്ട്…

ഓഹ്…. നീ ആ പ്രേതകണ്ണെന്റെ പെങ്ങൾ തന്നെ..

പല്ലും കടിച്ചു അടുത്തുള്ള സോഫയിലുള്ള കുഷ്യൻ എടുത്തു ഒരേർ കൊടുത്തു ഇവ…

എന്താ ഒരു കൃത്യത….

അത് കിറു കൃത്യമായി സ്റ്റെപ്പും ഇറങ്ങി വരുന്നവന്റെ വയറിനിട്ട് കൊണ്ടു….

ഡീ….

ചീറി കൊണ്ട് വരുന്നുണ്ട് കൊച്ചു…

എന്താടാ….

ഇവക്ക് പുച്ഛം മാത്രം…. എലിക്ക് അതിനേക്കാൾ പുച്ഛം..
രണ്ടിനെയും ഒന്ന് തറപ്പിച്ചു നോക്കി കൊണ്ട് അവൻ പുറത്തേക്ക് പോയി…

ഓഹ്…. പോയല്ലോ… ഞാനോർത്തു ഇനി ഇവന്റെ ശോ കൂടെ കാണേണ്ടി വരുമെന്ന്…

ഇവ ആശ്വാസത്തോടെ പറയുന്നുണ്ട്… എസ് ഐ സെലെക്ഷൻ കിട്ടിയതോടെ ചെക്കൻ നിലത്തൊന്നും അല്ലായിരുന്നു… ഇതിപ്പോൾ എവിടെയോ പോകാനുള്ള തിരക്കുള്ളത് കൊണ്ടാണെന്നു തോനുന്നു, പുള്ളി ഒന്നും പറയാതെ പോയത്… അല്ലെങ്കിൽ വേലെയും കൂലിയും ഇല്ലെന്ന് പറഞ്ഞു അങ്‌ ഇല്ലാതെ ആക്കി കളയും നാറി…

അവനോട് പോകാൻ പറ… അല്ല പിന്നെ…. സെലെക്ഷൻ കിട്ടിയിട്ടല്ലേ ഉള്ളു… പോലീസ് ആയിട്ടില്ലല്ലോ….

അതും ശരിയാ… ഇപ്പോൾ തന്നെ ഇതാണ് അവസ്ഥാ… ഇനി ജോലി കൂടെ കിട്ടിയാൽ നമ്മൾ നാട് വിടേണ്ടി വരുമെന്നാ തോന്നണത്….

എനിക്കിത് ശരിയാകും എന്ന് തോന്നുന്നില്ല ഇവാ… നമുക്ക് മാറ്റി പിടിച്ചാലോ….

എന്ത്….

വളരെ കാര്യമായി പറയുന്നവളെ ഇവ സംശയത്തോടെ നോക്കി…. എന്തോ വള്ളിയാണ് വരാൻ പോകുന്നതെന്ന് ഒരു അപായ സൂചന…

അല്ലാ.. ഈ psc…. ഇതൊന്നും നമ്മളെ കൊണ്ട് കൂട്ടിയാൽ കൂടില്ല…നമുക്ക് വല്ല യുട്യൂബ് ചാനലും തുടങ്ങാം… അതാണെങ്കിൽ ഇവന്മാനെ വട്ട് പിടിപ്പിച്ചു പ്രാങ്ക് ചെയ്തു അത് പോസ്റ്റ്‌ ചെയ്യാം…. പിന്നെ രണ്ടെണ്ണത്തിനും ഒടുക്കത്തെ ലുക്ക്‌ ആയത് കൊണ്ട് പെൺപിള്ളേർ ഒക്കെ കാണും… വ്യൂസ് ഒക്കെ അടിച്ചു കേറും… ഇനി റീച്ച് ആയില്ലേൽ നമുക്ക് അവര് ഗേ ആണെന്ന് പറഞ്ഞു വീഡിയോ ഇടാം….. അവര് കാണാതെ ഓരോന്ന് വീഡിയോ എടുത്തു ഓരോ റൊമാന്റിക് ബിജിഎം ഇട്ടാൽ മതി… എല്ലാം സെറ്റ്….. വേഗം one മില്ലിയൻ സബ്സ്ക്രൈബ്ർസ് ആവും…..

അത് നല്ലൊരു ഇത് ആണ്… പക്ഷേ റീച്ച് ആയാൽ അവരും ആ വീഡിയോ കാണില്ലേ… അങ്ങനെ കണ്ടാൽ പിന്നെ നമുക്ക് ഈ ഭൂമിയോട് വിട പറയാം…

ഏയ്‌… അങ്ങനെ ഒന്നും ചെയ്യില്ലായിരിക്കും… ഇനി ചെയ്യുമോ…

ആദ്യം പറയുമ്പോൾ ഉള്ള ആവേശം ഒന്നും എലിക്ക് ഇപ്പോൾ ഇല്ലാ…

എന്തായാലും ഒന്ന് മൂഡ് റിലാക്സ് ആക്കാൻ നമുക്ക് ഇന്നൊരു സിനിമക്ക് പോകാം… വ്ലോഗിങ്ങും ഒന്ന് ട്രൈ ചെയ്യാം…. ഇന്ന് വീഡിയോ എടുത്ത് നോക്കി സെറ്റ് ആയാൽ പോസ്റ്റ്‌ ചെയ്യാം…. പക്ഷെ എന്ത് പേരിടും ചാനലിന്….

എലി പിടിക്കുന്ന എല്ലാ വള്ളികളുടെയും അറ്റം എന്നും ഇവയുടെ കയ്യിൽ കാണും….ചാനലിന് ഇടാൻ പേര് ആലോചിച്ചു കുറെ തല പുകച്ചെങ്കിലും പേര് ഒന്നും കിട്ടിയില്ലായിരുന്നു….

എങ്കിലും ഉദ്യമം ഉപേക്ഷിക്കാതെ രണ്ട് പേരും കെട്ടി ഒരുങ്ങി ഒന്ന് കറങ്ങാൻ പോയി…ഒരു സിനിമയൊക്കെ കണ്ട് ബീച്ചിൽ പോയി വല്ല കഫെയിൽ കയറി ഫുഡ്‌ കഴിക്കാൻ ആണ് പ്ലാൻ… കൂടെ വ്ലോഗിങ്ങും….

ആളില്ലാത്ത സ്ഥലത്ത് നിന്നൊക്കെ രണ്ട് പേരും കാര്യമായി ഹലോ ഗയ്‌സ്, വെൽക്കം ബാക്ക് ടു ഔർ യൂട്യൂബ് ചാനൽ എന്നൊക്കെ പറഞ്ഞൂ വീഡിയോ എടുക്കുണ്ട്… ഇനി ക്രോഡഡ് (crowded ) ആയിട്ടുള്ള സ്ഥലം ആണെങ്കിൽ ക്ലിപ്പ് മാത്രം ഷൂട്ട്‌ ചെയ്യും…

അങ്ങനെ സിനിമയും കണ്ട് ഇറങ്ങിയതാണ് രണ്ട് പേരും….
നേരെ ബീചിലേക്ക് വിടാൻ തീരുമാനിച്ചു… പാർക്കിങ്ങിലേക്ക് പോകുന്നതിന് മുൻപ് ചെറുതായിട്ട് ഒന്ന് ചായ കുടിക്കാമെന്ന് ഓർത്തു…

അവിടെ തന്നെയുള്ള ഒരു ചെറിയ ചായ പീടികയിൽ ആണ് കയറിയത്…. രണ്ട് കട്ടൻ മാത്രം എങ്ങനെ പറയുമെന്ന് ഓർത്തു രണ്ട് ബ്രഡ് ഷവർമയും രണ്ട് പരിപ്പുവടയും പറഞ്ഞു…

ഇതൊക്കെ എലി കാര്യമായി വീഡിയോ എടുക്കുന്നുണ്ട്…
ഇവ പിന്നെ ഫോണിലെ ചാർജ് തീരാൻ ആയപ്പോൾ സൈഡ് ആയതാണ്….

ശേ…. കട്ടൻ ചായക്ക് ഒപ്പം പയം പൊരി ആയിരുന്നു ബെസ്റ്റ് കോമ്പോ….

വായിലേക്ക് ബ്രെഡ്‌ ഷവർമ ഉന്തി കയറ്റുന്നതിനിടയിൽ ഇവ പറഞ്ഞു…

പയം പൊരി വാങ്ങിയാൽ ബീഫ് വാങ്ങാതെ എങ്ങനെയാ… അത് മോശം അല്ലേ… പിന്നെ നീ ഒന്ന് വൃത്തിയിൽ തിന്നു… എന്നാലേ നമുക്ക് ഇതൊക്കെ പോസ്റ്റ്‌ ചെയ്യാൻ പറ്റുള്ളൂ…

എലി പറയുന്നത് കേട്ട് ഇവ പിന്നെ ഡീസന്റ് ആയി… പിന്നെ മുഖത്തു പല ഭാവങ്ങൾ ആയി….അങ്ങനെ എന്തൊക്കെയോ പൊട്ടതരങ്ങൾ കാണിക്കുമ്പോൾ ആയിരുന്നു അറിയാത്തത് പോലെ ഒരാൾ വന്നു ഇവയുടെ ദേഹത്തു സ്പർശിച്ചത്….

അത് ഏത്‌ ഉദ്ദേശത്തിലാണെന്ന് മനസ്സിലായതോടെ ആ ചായ ഗ്ലാസ്‌ അത് പോലെ അവന്റെ മുഖത്തേക്ക് എറിയാൻ ഇവയ്ക്ക് മറിച്ചു ചിന്തിക്കേണ്ട ആവിശ്യം ഉണ്ടായിരുന്നില്ല… കൂടെ കടി തന്ന പാത്രം കൊണ്ടും അവന്റെ തലയ്ക്കിട്ട് ഒന്ന് പൊട്ടിച്ചു…..

ഒരു നിമിഷം ചുറ്റും നടക്കുന്നത് എന്താണെന്ന് മനസ്സിലാകാതെ നിൽക്കുന്നവരുടെ കൂട്ടത്തിൽ തല പൊട്ടി ചോര വന്നവനും ഉണ്ടായിരുന്നു എന്നത് ഒരു സത്യം….

---

എന്റെ ഇവാ… എന്നാലും എന്താപ്പോ സംഭവിച്ചത്…

ആ ചെറുക്കന്റെ തലയിൽ നിന്ന് രക്തം വന്നതോടെ കാര്യത്തിന്റെ ഗതി മാറി…ആരൊക്കെയോ കൂടെ അവനെ വേഗം ഹോസ്പിറ്റലിലേക്ക് കൊണ്ട് പോകുന്നതിനിടയിൽ പോലീസിൽ വിളിച്ചു പറയുകയും ചെയ്തിരുന്നു…. ഇപ്പോൾ ഇവയും എലിയും പോലീസ് സ്റ്റേഷനിൽ കൊതുക് കടി കൊണ്ട് ഇരിക്കുകയാണ്….

സ്റ്റേഷനിൽ നിന്ന് തന്നെ ഹെഡ് കോൺസ്റ്റബിൾ റോഷിയെ കോൺടാക്ട് ചെയ്തിട്ടുണ്ട്… ബാക്കി ആരുടേയും നമ്പർ കൊടുക്കാൻ ധൈര്യം ഇല്ലാത്തത് കൊണ്ടാണ് സമാധാനപ്രിയന്റെ നമ്പർ തന്നെ കൊടുത്തത്.. പുള്ളി ആണെങ്കിൽ കുറച്ച് ഒന്ന് ശകാരിക്കുമെങ്കിലും കാര്യം ഹാൻഡിൽ ചെയ്തു കൊള്ളുമെന്നവർക്കറിയാം….

ആ തെണ്ടി എന്നെ ഒന്ന് തോണ്ടി… അതിന് ഞാനവന്റെ തല അടിച്ചു പൊട്ടിച്ചു…അത്ര തന്നെ…

കിതച്ചു കൊണ്ട് പറയുന്നുണ്ട് ഇവ… അവൾക്ക് നല്ല ദേഷ്യം വരുന്നുണ്ടായിരുന്നു…പെർമിഷൻ ഇല്ലാതെ തന്റെ ശരീരത്തിൽ തോട്ടത് അവനാണ്… എന്നിട്ട് ഇപ്പോൾ കേസ് തന്റെ തലയിലും…ദേഹത്തു തൊട്ടത് കൊണ്ടതല്ലേ പ്രതികരിച്ചത്….?

സത്യം ആരോടും പറഞ്ഞിട്ട് വിശ്വസിക്കുന്നില്ല… വന്ന നേരം തൊട്ട് ആ പോലീസിനോട് തത്ത പറയുന്നത് പോലെ ആണ് പറഞ്ഞത്… പക്ഷെ അയാൾ വിശ്വസിക്കേണ്ടേ…
ഇതൊക്കെ ഇപ്പോൾ ഒരു ട്രെൻഡ് ആണത്രേ…

തല വെട്ടിച്ചു നോക്കിയപ്പോൾ ആദ്യം കണ്ണിലുടക്കിയത് ആ കാപ്പിയും പച്ചയും കലർന്ന കണ്ണുകൾ ആണ്… ഇവയുടെ കണ്ണുകൾ വികസിച്ചു….

ഫെലിച്ചൻ….തീർന്നു…

അടുത്ത് നിന്ന് എലിയുടെ രോദനം….

പിറകിൽ തന്നെ കൊച്ചുവും റോഷിയും ഉണ്ട്….മൂന്ന് പേരുടെയും മുഖത്ത് ഗൗരവം ആണ്… എങ്കിലും കൊച്ചുവിന്റെ മുഖത്താണ് കൂടുതൽ ദേഷ്യം…റോഷി അവിടെയുള്ള ഒരു കോൺസ്റ്റബിളിനോട് കാര്യം തിരക്കുന്നുണ്ട്… അയാൾ ഓരോന്ന് പറയുന്നതിന് അനുസരിച് അവരുടെ മുഖഭാവം മാറുന്നത് കാണെ രണ്ട് പേരും മുഖത്തോട് മുഖം നോക്കി…

പ്രതീക്ഷിച്ചത് പോലെ ആദ്യത്തെ റിയാക്ഷൻ കൊച്ചുവിൽ നിന്നാണ്…..

വീട്ടിൽ ഓരോന്ന് കാണിച്ചു കൂട്ടുന്നത് പോരാഞ്ഞിട്ടാണോ നാട്ടുകാരുടെ മണ്ടക്ക് കൂടെ കേറുന്നത്…

ദേ…അഗസ്റ്റി കാര്യം അറിയാതെ കൂടുതൽ ഷോ ഇറക്കല്ലേ…

പല്ലും കടിച്ചു കൊണ്ട് ഇവയ്ക്ക് നേരെ തിരിഞ്ഞവന്റെ കൈ മുട്ടിൽ ഒന്ന് കൊടുത്തു കൊണ്ട് എലി പറഞ്ഞൂ… അല്ലെങ്കിലും ഇവയെ പറഞ്ഞാൽ കേട്ടിരിക്കാൻ എലി എലി അല്ലാതെ ആകണം…

നീ മിണ്ടിപോകരുത്…. ഇവൾ കാണിക്കുന്ന ഓരോ പോക്രിത്തരത്തിന് വാല് പിടിക്കുന്ന നിനക്കാണ് ആദ്യം തരേണ്ടത്…..

ഡാ പട്ടി… നീ ആദ്യം എന്നോട് എന്തിനാണ് അവനെ തല്ലിയത് എന്ന് ചോദിച്ചോ…

അത് തന്നെ…ഒരു പ്രശ്നം ഉണ്ടായാൽ രണ്ട് ഭാഗം കേൾക്കാതെ വിധി എഴുതാൻ പോകുന്ന നീയൊക്കെ ആണല്ലോ പോലീസ് ആകാൻ നടക്കുന്നത്….

ഡീ….

എലിയുടെ സംസാരം കേട്ടതും ചീറികൊണ്ട് കൊച്ചു അവൾക്ക് നേരെ ചെന്നു… കാര്യം ഒരേ പ്രായം ആണെങ്കിലും കൈബലത്തിൽ കൊച്ചു മുന്നിട്ട് നില്കുന്നത് കൊണ്ട് എലി മെല്ലെ ഇച്ചായന്മാരുടെ പിറകിൽ നിന്നു..ഇങ്ങനെ ചില പ്രത്യേക സാഹചര്യങ്ങളിൽ അവൾ ഇച്ചായൻമാരുടെ കുഞ്ഞു പെങ്ങൾ ആയി മാറും…!

കൊച്ചുവിനാകെ ദേഷ്യം വരുന്നുണ്ടായിരുന്നു…
അങ്ങനെ ആദ്യമായി കാണുന്നവന്റെ തല അടിച്ചു പൊട്ടിക്കാൻ ഒന്നുമുള്ള പ്രാന്ത് ഒന്നും തന്റെ പെങ്ങൾക്ക് ഇല്ലെന്ന് അവനറിയാം… എങ്കിലും തെളിവുകൾ മുഴുവൻ അവൾക്കെതിരെ ആണ്….

അസ്സൾട്ട് കേസും attempt to murder ചാർജും ഒക്കെ ആയി ആ ചെറുക്കന്റെ വക്കീൽ കേസ് ബിൽഡ് ചെയ്തത്….. അവളുടെ ജീവിതത്തിന്റെ നല്ലൊരു ഭാഗം ഇനി ജയിലിൽ കഴിയാനുള്ള വകുപ്പുകൾ എല്ലാം കൂട്ടി ചേർത്ത ഒന്ന് …

തെളിവുകൾ ആണെങ്കിൽ ഇവക്ക് എതിരെ ആണ്… ആ തട്ട് കടയ്ക്ക് ഓപ്പോസിറ്റ് ഉള്ള കടയിലെ സിസിടിവി ദൃശ്യങ്ങൾ പോലീസ് കളക്ട് ചെയ്തിട്ടുണ്ട്…

അതിൽ ആ പയ്യൻ കടയിലേക്ക് കയറുന്നതും ഇവയ്ക്ക് അടുത്ത് നിൽക്കുന്നതും അടുത്ത നിമിഷം തന്നെ ഇവ അവനെ അറ്റാക്ക് ചെയ്യുന്നതും അത്ര വ്യക്തമല്ലാത്ത രീതിയിൽ കാണുന്നുണ്ട്…

ഇതിന്റെ കൂടെ തന്നെ ഇവ കാര്യമേതും ഇല്ലാതെ ഒരു പാവം പയ്യന്റെ തല അടിച്ചു പൊളിക്കുന്നതിന് ആ ചായ കടക്കാരൻ അടക്കം ദൃക്‌സാക്ഷി ആണ്…

കൊച്ചു മതി… ഇവാ… അവര് പറഞ്ഞതൊക്കെ സത്യമാണോ…

റോഷിയുടെ മുഖത്ത് എന്നുമില്ലാത്ത ഒരു ഗൗരവം….
പോലീസ്കാരോട് തത്ത പറയുന്നത് പോലെ പറഞ്ഞത് തന്നെ ഇവ വീണ്ടും ആവർത്തിച്ചു…

റോഷിക്ക് എന്ത് പറയണം എന്നറിയാതെ ആയി… അവൾ ചെയ്തതിൽ ഒരു തെറ്റും ഇല്ലാ… പക്ഷെ തെളിവുകൾ ആണല്ലോ പ്രധാനം….

സാർ…. ആ സിസിടിവി വിശ്വൽസ് ഒന്ന് കാണിച്ചു തരാമോ…

ഇവയുടെ ഭാഗം കേട്ടതെ കൊച്ചു ഇൻസ്‌പെക്ടറോഡ് ചോദിച്ചു… ഫെലിക്സ് ഇവയുടെ വക്കീൽ ആയത് കൊണ്ട് അവരാ വീഡിയോ കാണിച്ചു കൊടുക്കുന്നുണ്ട്…..

ഇത് നമ്മൾ കണ്ട വീഡിയോ തന്നെ അല്ലേ… ഇവര് ഇത് എന്നാ തേങ്ങയാണ് നോക്കുന്നത്..

എലി ഇവയുടെ ചെവിയിൽ കുശുകുശുത്തു…. രണ്ട് പേർക്കും ഇത് വരെ കാര്യത്തിന്റെ ഗൗരവം ഒന്നും മനസ്സിലായിട്ടില്ല…

വിഡിയോ നോക്കെ കൊച്ചുവിന്റെയും കുഞ്ഞന്റെയും മുഖം മാറി…. റോഷിക്ക് അതിൽ കുറെ നോക്കിയെങ്കിലും ഒന്നും മനസ്സിലായിട്ടില്ല…

എൽസാ….

കൊച്ചുവിന്റെ ശബ്ദം ഉയരെ എലി ഇവയുടെ കയ്യിൽ പിടിച്ചു..

ഈ പ്രാന്തന് എന്താ പ്രാന്തായോ…. കാറി കൂവുന്നു…

ഉള്ളിൽ ഞൊടിഞ്ഞു കൊണ്ട് എലി അവന്റെ മുഖത്തേക്ക് തുറിച്ചു നോക്കി…കൂടെ പുരികം ഉയർത്തി എന്താ എന്നും കാണിക്കുന്നുണ്ട്…

നിന്റെ ഫോൺ തന്നെ…

ആവിശ്യം കുഞ്ഞനിൽ നിന്നാണ്… കാര്യമേതും ഇല്ലാതെ ഇങ്ങനെ ഒരു സാഹചര്യത്തിൽ ചോദിക്കില്ലെന്ന് അറിയാവുന്നത് കൊണ്ട് എലി സങ്കോച്ചം ഏതുമില്ലാതെ ഫോൺ അൺലോക്ക് ചെയ്തു കൊടുത്തു…

കുഞ്ഞൻ ഗാലറിയിൽ പോയി അതിലെ അവസാനം എടുത്ത വീഡിയോ നോക്കി… രണ്ട് മിനിട്ടോളാം ഉള്ള വീഡിയോയുടെ അവസാന ഭാഗം സ്ലോ മോഷനിൽ കണ്ടു…

അതിൽ തെറ്റല്ലാത്ത രീതിയിൽ തന്നെ ആ ചെറുക്കന്റെ കൈ ഇവയുടെ ശരീരത്തിൽ സ്പർശിക്കുന്നത് വ്യക്തമായി കാണുന്നുണ്ട്… അത് കഴിഞ്ഞു ഇവ അവന്റെ തലക്കടിക്കുന്നതോടെ വീഡിയോ നിൽക്കുന്നുണ്ട്….

കൊച്ചുവിന്റെയും കുഞ്ഞന്റെയും മുഖം ഒരുപോലെ മുറുകി.. റോഷിയുടെ മുഖത്തും ദേഷ്യം പ്രകടമാണ്…

പിന്നെ ഒരു പുകമയം ആയിരുന്നു… അതു വരെ അഹങ്കാരതോടെ സെറ്റിൽമെന്റിന് ഒരുങ്ങാത്ത എതിർഭാഗം വക്കീൽ താണ് കേണ്‌ പറയുന്നതൊക്കെ കേൾക്കെ ഇവക്ക് സുഗിച്ചു വരുന്നുണ്ട്… കുഞ്ഞനും യാതൊരു വിട്ടു വീഴ്ചയ്ക്കും ഒരുങ്ങാതെ നിൽക്കുകയാണ്… ഒടുക്കം കോടതിയിൽ കാണാം എന്നൊരു വെല്ലുവിളിയോടെ ആണ് രണ്ട് കൂട്ടരും സ്റ്റേഷനിൽ നിന്ന് ഇറങ്ങിയത്….

ഇറങ്ങാം….

ഞങ്ങളുടെ വണ്ടി…

കീ ഇതാ…

റോഷി താക്കോൽ കൊടുത്തതും കീയും കറക്കി എലിയും പിറകിൽ ഇവയും നടന്നു…

ഇവാ….

പോടാ പട്ടി…

പ്രതീക്ഷിച്ച ആ വിളി കൊച്ചുവിൽ നിന്ന് കേട്ടതും അതിന് കാത്തു നിന്നതെന്ന പോലെ പുച്ഛിച്ചു കൊണ്ട് ചുണ്ടും കോട്ടി മുന്നിലായി നടന്നവൾ… അതോടെ അവന്റെ മനസ്സിലെ പിരിമുറുക്കത്തിനും അയവ് വന്നു..

അന്ന് പിന്നെ വീട്ടിൽ എത്തിയതും ഒരു കണക്കിനാണ് ലിസിയെ കൊച്ചു സമാധാനിപ്പിച്ചത്… മകളുടെ ചട്ടമ്പി സ്വഭാവം ലിസിയ്ക്ക് എന്നും പരാതിയാണ്…. അത്ര ഇല്ലെങ്കിലും ഐസക്കിനും മക്കളുടെ കാര്യം ആലോചിച്ചു ടെൻഷൻ ഇല്ലാതെ അല്ല… മൂക്കിന് തുമ്പിലുള്ള കൊച്ചുവിന്റെ ദേഷ്യവും കാള പെറ്റു എന്ന് കേൾക്കുമ്പോ തന്നെ തൊട്ടിൽ കെട്ടുന്ന പോലെയുള്ള ഇവയുടെ എടുത്ത് ചാട്ടവും ആണ് കാരണം….

ദിവസങ്ങൾ മുന്നോട്ട് പോയി… കേസുമായി മുന്നോട്ട് പോകണം എന്നുള്ള ഇവയുടെ തീരുമാനത്തെ പിന്താങ്ങി കൊണ്ട് തന്നെ മുൻപിൽ തന്നെ കുഞ്ഞനും കൊച്ചുവും ഉണ്ടായിരുന്നു… ആദ്യമൊന്ന് മടിച്ചുവെങ്കിലും വീട്ടുകാരും അതിനെ തുണച്ചു….കഴിഞ്ഞ ആഴ്ച ആയിരുന്നു കേസിന്റെ ലാസ്റ്റ് ഹിയറിങ്ങ്…. നാവ് കൊണ്ടുള്ള പോരാട്ടത്തിൽ മുൻപേ പി എച് ഡി എടുത്തത് കൊണ്ടും മതിയായ തെളിവുകൾ ഉള്ളത് കൊണ്ടും കേസ് ജയിക്കാൻ കുഞ്ഞൻ വലിയ പ്രായസം ഒന്നും ഉണ്ടായിരുന്നില്ല…. അതിന് നന്ദി സൂചകമായി ഒരു നോട്ടം പോലും ഇവയിൽ നിന്ന് ലഭിക്കാത്തത് കൊണ്ട് കുഞ്ഞൻ തന്നെ അതിന് മുൻ കൈ എടുത്തു കവിളിൽ ഒരു ഉമ്മയങ് കൊടുത്തു…. അതിന് ഇവ അവനെ കൊന്നില്ലന്നെ ഉള്ളു….

ഇന്നാണ് റിച്ചിയുടെ റിസപ്ഷൻ … പറഞ്ഞു വയ്ക്കലും മനസ്സമ്മതവും ഒക്കെ കഴിഞ്ഞു കുറച്ചായിരുന്നു… എല്ലാവരുടെയും സൗകര്യം നോക്കി കല്യാണം രണ്ട് മാസം കഴിഞ്ഞു മതിയെന്ന് തീരുമാനിച്ചതായിരുന്നു…. വധു അവന്റെ ഓഫീസിന്റെ അടുത്തുള്ള ഹോസ്പിറ്റലിൽ വർക്ക് ചെയ്യുന്ന ഡോക്ടർ ആണ്… പേര് സെലിൻ…. റിച്ചിയെ പോലെ ഒരു പാവം ആണ് ആള്…

സെലിൻ ചേച്ചി ലുക്ക്‌ ആയിട്ടുണ്ട്…

സത്യം…. എന്റെ കെട്ടിന് ഞാനും ഇത് പോലെ ഒരുങ്ങും..

ഹാ.. അതിന് ഇനിയും സമയം ഉണ്ടല്ലോ… ആദ്യം എന്റെ കൊച് ഒരു ജോലി വാങ്ങ്.. എന്നിട്ട് പോരെ നമ്മുടെ കെട്ടിന്റെ കാര്യം…

സ്റ്റേജിൽ വിരുന്നുകാരോടൊക്കെയും ചിരിയോടെ സംസാരിച്ചു കൊണ്ടിരിക്കുന്ന നവദമ്പതികളെ നോക്കി നിൽക്കെ എലി പറഞ്ഞു… അതിന് മറുപടിയായി ഇവ എന്തോ പറഞ്ഞപ്പോൾ ആയിരുന്നു അതിന് ചുക്കാൻ പിടിച്ചു കൊണ്ട് എവിടെ നിന്നോ പൊട്ടി മുളച്ചു കുഞ്ഞൻ തന്റെ അഭിപ്രായം രേഖപ്പെടുത്തിയത്…

ഞാൻ എന്റെ കെട്ടിന്റെ കാര്യം ആണ് പറഞ്ഞത് മിസ്റ്റർ…

ചുണ്ടും കോട്ടി പറയുന്നവളെ കാണെ അവന്റെ നോട്ടം ആ അധരത്തിൽ തന്നെ തങ്ങി നിന്നു…

ഡോ …

തറപ്പിച്ചു നോക്കുന്നവളെ കാണെ കുഞ്ഞന്റെ ചുണ്ടിൽ വീണ്ടും ഒരു വെടക്ക് ചിരി…..

ഇങ്ങനെ നോക്കല്ലേ പൊട്ടാസേ… ഇച്ചായൻ ഒരു പെക്ക് (peck) അങ്ങ് വച്ചു തരാൻ തോന്നും….

എന്താടോ പെക്ക് ആക്കിയത് ഫ്രഞ്ച് ആക്കി കൂടായിരുന്നോ….

ഭദ്ര കാളിയെ പോലെ ഉറഞ്ഞു തുള്ളി കൊണ്ട് കോളറിന്ന് പിടിക്കുന്നവളെ കാണെ ഉറക്കെ പൊട്ടി ചിരിച്ചു പോയി ഫെലിക്സ്…..കൂടെ ഭംഗിയായി ഞൊറിഞ്ഞു എടുത്ത സാരി വകഞ്ഞു നഗ്നമായ ഇടുപ്പിൽ കൈകൾ ചുറ്റി… ഇവയുടെ ശ്വാസം ഒന്ന് കനത്തു… പറയാൻ വന്നത് ഒക്കെയും പാതി വഴിയിൽ മറന്നു പോയത് പോലെ….

You look so beautiful ivaah

ഓഹ്… അതിയാൾ പറഞ്ഞിട്ട് വേണോ അറിയാൻ…

കേൾക്കേണ്ട ആളുടെ അടുത്ത് നിന്ന് തന്നെ കോംപ്ലിമെന്റ് കിട്ടിയപ്പോൾ ഒന്ന് സുഗിച്ചെങ്കിലും അത് പുറത്തു കാട്ടാതെ ചുണ്ടും കോട്ടി പറഞ്ഞവൾ….

പക്ഷെ സത്യം പറയാലോ… ഇയാളെ കാണാൻ അഞ്ചു പൈസക്ക് കൊള്ളില്ല…ഈ സ്യൂട്ട് ഇയാൾക്ക് ഒട്ടും ചേരുന്നില്ല… ഒരുമാതിരി ഉണ്ട് കാണാൻ… അതിന്റെ കൂടെ ഈ പ്രേതകണ്ണും… നല്ല ബോർ ആയിട്ടുണ്ട്…

ത്രീ പീസ് സ്യൂട്ടിൽ ലുക്ക്‌ ആയിട്ടുള്ളവനെ അടിമുടി നോക്കി കൊണ്ടവൾ പറഞ്ഞുനിർത്തുമ്പോൾ കണ്ണുകൾ തറഞ്ഞു നിന്നത് കുഞ്ഞന്റെ പച്ചയും കാപ്പിയും കലർന്ന കണ്ണുകളിലാണ്….

ഒട്ടും അസൂയ ഇല്ലല്ലേ…

ഓഹ് പിന്നെ… അസൂയപ്പെടാൻ പറ്റിയ ഒരു മുതൽ… ഇയാൾ വിട്ടെ…. എനിക്ക് പോണം…

പറഞ്ഞു കൊണ്ട് അവന്റെ നെഞ്ചിൽ ഒരു കുത്തും കൂടെ വച്ചു കൊടുത്തവൾ അവനിൽ നിന്നകന്നു…. സാരിയുടെ മുൻതാണി പൊക്കിപിടിച്ചു ഫുഡ്‌ സെക്ഷനിലേക്ക് നടന്നു പോകുന്നവളെ കാണെ ചുണ്ടിൽ നിറഞ്ഞ ചിരിയോടെ കുഞ്ഞൻ നോക്കി നിന്നു…

ആ എലി എവിടെ പോയോ എന്തോ…അയാളുടെ പെങ്ങൾ തന്നെ…. മുങ്ങാൻ എന്തൊരു ടൈമിംഗ് ആണ്

ഇവ ആ ചിന്തിച്ചത് നഗ്നമായ സത്യം ആണ്… കാര്യം കുഞ്ഞനും എലിയും കാണുമ്പോൾ കാണുമ്പോൾ അടി ആണെങ്കിലും ഇവയുടെ കാര്യത്തിൽ ഇങ്ങനെ ചില സഹായം അവളുടെ വക അവന് കിട്ടാറുണ്ട്… അവരുടെ പ്രൈവസിയേ മാനിച്ചു ഇപ്പോഴും എങ്ങോട്ടോ പോയതാണ് എലി…

ഹേയ് ഇവാ…

എലിയെ അന്വേഷിച്ചു ചുറ്റും കണ്ണോടിച്ചു നടക്കുമ്പോൾ ആയിരുന്നു പിറകിൽ നിന്നൊരു അശരീരിയവൾ കേട്ടത്…

ആരിത് മിഷേലോ…താൻ ഇതെപ്പോ നാട്ടിൽ എത്തി…

Just one വീക്ക്‌… ഇനിയിപ്പോ ഒരു മാസം കഴിഞ്ഞു പോയാൽ മതി…. പിന്നെ തന്റെ കാര്യം എന്തായി..ജോലിയൊക്കെ എങ്ങനെ പോകുന്നു….

ജ്… ജോലി… ഹാ… ഇപ്പോൾ ചെറിയൊരു ബ്രേക്കിൽ ആണ്… You know work stress.. പിന്നെ ഇയാൾ ഫുഡ്‌ കഴിച്ചോ…. Desserts കണ്ടായിരുന്നോ… ട്രൈ ചെയ്തു നോക്കിയില്ലേ… ഞാനും എലിയും കൂടെ ചൂസ് ചെയ്തതാണ്… പറയും പോലെ താൻ എലിയെ കണ്ടായിരുന്നോ… വേറെ അമ്മച്ചിക്കൊക്കെ സുഖം അല്ലേ… എനിക്ക് ചെറിയ തിരക്കുണ്ട്…എങ്കിൽ ഞാൻ അങ്ങോട്ട്..

മിഷേൽ ജോലിയുടെ കാര്യം പറഞ്ഞൂ തുടങ്ങിയതും ഇവ ആദ്യം ഒന്ന് പരുങ്ങി എങ്കിലും പിന്നെ നിർത്താതെ എന്തൊക്കെയോ പറയാൻ തുടങ്ങി…. മിഷേൽ ആണെങ്കിൽ വായും പൊളിച്ചു അവളെ നോക്കി ഇരിപ്പാണ്… പിന്നെ എന്തോ ഓർത്തെന്ന പോലെ തിരക്കു പിടിച്ചു പോകാൻ ശ്രമിക്കുന്നവളുടെ കയ്യിൽ പിടിച്ചു.

അ… അതു പിന്നെ അഗസ്റ്റിൻ… അവനെ കണ്ടില്ല….

കൊച്ചുവോ… അവിടെ എവിടേലും കാണും…. ഞാൻ വിളിക്കണോ…

ഏയ്‌… വേണ്ട…. ഞാൻ വെറുതെ ചോദിച്ചെന്നെ ഉള്ളു…

ചുവന്നു വരുന്ന ചെവി തുമ്പ് ഒളിപ്പിച്ചു പറയുന്നവളെ കാണെ ഇവയ്ക്ക് സത്യം പറഞ്ഞാൽ പാവം ആണ് തോന്നിയത്… എങ്കിലും അതു മുഖത്തു കാട്ടാതെ പറഞ്ഞവൾ…

പിന്നെ മിഷേലിനോട് റ്റാറ്റാ പറഞ്ഞു വീണ്ടും എലിയെ തപ്പിയുള്ള ഉദ്യമത്തിൽ ഇറങ്ങി…. ഒടുക്കം സ്റ്റേജിന്റെ സൈഡിൽ ആയിട്ടുള്ള ചെയറിൽ ഇരുന്ന് കാറ്റു കൊള്ളൂന്നവളെ കണ്ട് പിടിച്ചു… സിവാൻ പറയുന്നത് എന്തോ കേട്ട് കുലുങ്ങി ചിരിക്കുകയാണവൾ….

കള്ള തെണ്ടി… എന്നെ അവിടെ ഒറ്റക്കിട്ട് ഇവിടെ ഇരുന്ന് ചിരിക്കുകയാണ് അല്ലേ… ഇപ്പോൾ ശരിയാക്കി തരാം…

പിന്നെ ഒന്നും നോക്കാതെ ഫോണെടുത്തു ആ ദൃശ്യം അതു പോലെ പകർത്തി ഒരുവന് വൺസിൽ (once) അയച്ചു കൊടുത്തു… അപ്പോൾ ഇവയ്ക്കും ഒരു ആശ്വാസം…

വരണം വരണം mrs kunjan

പോടാ പട്ടി….

ഇവയെ കണ്ട പാടെ സിവാൻ തുടങ്ങി… സെലിന്റെ കസിൻ ബ്രദർ ആണ് പുള്ളി… ആളൊരു ചിൽ വൈബ് ആയത് കൊണ്ട് ഇരുവരും ആയി വേഗം തന്നെ സിങ്ക് ആയിരുന്നു…

സമാധാനം ആയല്ലോ….

നീ കൂടുതൽ പറയല്ലേ എലി… ആ പൊട്ടന്റെ അടുത്ത് നീ എന്നെ ഇട്ടേച്ചും പോയതല്ലേ…..

പല്ലും കടിച്ചു പറയുന്നുണ്ട് ഇവ…. അതിന് എലി വെളുക്കനെ ഒന്ന് ചിരിച്ചു കൊടുക്കുക മാത്രമേ ചെയ്തുള്ളു… എന്തെങ്കിലും പറഞ്ഞാൽ പിന്നെ അതു മതി  നാവ് കൊണ്ട് അടിച്ചിടും അവൾ….

ചിരിക്ക് നീയ്… നിനക്കുള്ള പണി ഓൺ ദി വേ ആണ്…

എന്റെ കൊച് പിണങ്ങിയോ…. ഞാൻ ചുമ്മാ സിവാനെ കണ്ടപ്പോൾ വന്നതല്ലേ… അല്ലെങ്കിൽ എന്റെ ഇച്ചായന്റെ അടുത്ത് നിന്നെ ഞാൻ തനിച്ചാകും എന്ന് നിനക്ക് തോന്നുന്നുണ്ടോ…

അയ്യേ… തേനോഴുകുന്നു….

കൊഞ്ചി കൊണ്ട് ഇവയുടെ താടി തുമ്പിൽ പിടിച്ചു പറയുന്നവളെ കാണെ സിവാൻ പുച്ഛിച്ചു…

ഇയാൾ പോടോ കാട്ട്മാക്കാനെ…

ആ ഇനി അങ്ങനെ പറയ്…. നിങ്ങൾ രണ്ടും നിന്നും ഇരുന്നും തിരിഞ്ഞും മറിഞ്ഞും സിംഗിൾ ആയും ഡബിൾ ആയുമൊക്കെ എടുത്ത പിക് ഇപ്പോഴും എന്റെ ഫോണിൽ തന്നെ ആണ്…. ഇനി അതു അയച്ചു തരണോ എന്ന് എനിക്ക് ഒന്ന് ആലോചിക്കണം….

അങ്ങനെ പറയരുത്… സിവാച്ഛൻ എന്ത് പാവം ആണ്… എന്ത് ലുക്ക്‌ ആണ്…. ഫോട്ടോ എടുക്കാൻ ഒക്കെ സീൻ കഴിവല്ലേ…. അല്ലേ എലി…

അത് മാത്രമോ…. എന്ത് ക്യൂട്ട് ആണ്… ആ മുഖം ഒന്ന് നോക്കിക്കേ… ആ ചിരി.. ഓഹ്…. അതു കണ്ടാൽ ഏത്‌ പെണ്ണാണ് വീഴാത്തത്….മറ്റേ സിനിമേൽ ഉള്ളത് പോലെ നിന്നെ പോലൊരുത്തന്റെ മുന്നിൽ ഏത്‌ പെണ്ണാടാ വീഴാത്തത് പോലെ…. ആ ടൈപ്പ് ചെക്കനല്ലേ നിങ്ങൾ…..

ആണോ കൊച്ചു…

ഇടവും വലവും ഇരുന്നു സുഗിപ്പിക്കുന്നവരെ നോക്കിയതിനു ശേഷം പോക്കറ്റിൽ കയ്യും ഇട്ടു എല്ലാം കേട്ടു കൊണ്ട് നിൽക്കുന്നവന്റെ ഗൗരവം നിറഞ്ഞ മുഖത്തേക്ക് നോക്കി സിവാൻ ചോദിച്ചു….. കൊച്ചുവിന്റെ പേര് കേൾക്കെ ഇവയുടെ മുഖത്ത് ഒരു ലുട്ടാപ്പി ചിരി ആണെങ്കിൽ എലിയുടെ മുഖത്തു ചെറിയൊരു വെപ്രാളം ആണ്… അടുത്ത നിമിഷം തന്നെ അതു പുച്ഛത്തിലേക്ക് പരിണമിച്ചു….

ആഹ്… നിന്നെ കണ്ടപ്പൊഴാ ഓർമ വന്നത്… നമ്മളോട് ട്യൂഷൻ പഠിച്ച മിഷേൽ ഇല്ലേ… അവളെ കണ്ടായിരുന്നു… നിന്നെ കണ്ടില്ല എന്നൊക്കെ പറഞ്ഞിരുന്നു….

മ്മ്മ്….

ഇവയ്ക്ക് മറുപടിയായി കൊച്ചു വെറുതെ ഒന്ന് മൂളിയതെ ഉള്ളു… നോട്ടം എലിയിലും… അവളുടെ മുഖത്തെ തെളിച്ചം കുറയുന്നതും കണ്ണ് കുറുക്കുന്നതും ഒക്കെയും ആങ്ങളയും പെങ്ങളും നല്ല വെടുപ്പിന് കണ്ടിട്ടുണ്ട്….

സിവാൻ തന്നെ കുഞ്ഞൻ വിളിച്ചായിരുന്നല്ലോ…. റിച്ചിച്ചായൻ എന്തോ കാര്യം പറയാൻ ഉണ്ടത്രേ….

ഭാവമാറ്റം ഏതും ഇല്ലാതെ മുഖത്ത് നോക്കി നല്ല വൃത്തിക്ക് കള്ളം പറയാൻ കൊച്ചുവിന് പണ്ടേ നല്ല മിടുക്കാണ്…. പാവം സിവാൻ സത്യം ആണെന്ന് ഓർത്ത് ബൈ പറഞ്ഞു പോയി… പിറകെ ഇവയും മെല്ലെ എഴുന്നേറ്റു സ്ഥലം വിട്ടു….

അല്ലെങ്കിൽ തന്നെ അവരായി അവരുടെ പാടായി…. നമ്മളെന്തിനാ വെറുതെ…

Dessert section ഇൽ പുതിയ flavour ഐസ് ക്രീം കൊടുക്കുന്ന കാര്യം അറിയുന്നത് കൊണ്ട് തന്നെ ഇവ അങ്ങോട്ടേക്ക് വിട്ടു… അവളെ ചുറ്റി പറ്റി കുഞ്ഞനും….

പട്ടി… പ്രതികാരം വീട്ടിയതാണ്….

ഉള്ളാലെ പറഞ്ഞു കൊണ്ട് എലി കൊച്ചുവിന്റെ മുഖത്തേക്ക് നോക്കാതെ മെല്ലെ എഴുന്നേറ്റു നടന്നു…. പിറകെ തന്നെ കൊച്ചുവും എണീറ്റു എന്നറിഞ്ഞതും സാരിയും പോക്കി പിടിച്ചു അടുത്ത് കണ്ട ഗ്രീൻ റൂമിലേക്കു ഓടി കയറി… ഡോർ അടക്കാൻ നോക്കുമ്പോഴേക്കും കാറ്റു പോലെ ഒരുവൻ വന്നു അകത്തേക്ക് കയറിയിരുന്നു….

എങ്ങോട്ടാ ഇടിച്ചു കയറി വരുന്നത്…. പോലീസിന് എന്താ മന്നേഴ്-

ചൊടിച്ചു കൊണ്ട് പറയുന്നവളുടെ വാക്കുകളെ അഗസ്റ്റി ചുണ്ടുകൾ കൊണ്ട് ബന്ധിച്ചു കൊണ്ട് എടുത്തു ഉയർത്തി ടേബിളിൽ ഇരുത്തി…. കൈ സാരി വകഞ്ഞു മാറ്റി ഇടുപ്പിലേക്ക് ഇഴഞ്ഞു കയറി….

എലി ആകെ ഞെട്ടി ഇരിപ്പാണ്… കാര്യം ആദ്യമായിട്ടല്ല കൊച്ചു ഇങ്ങനെ അധികാരം കാണിക്കുന്നത് എങ്കിലും കൂടി പോയാൽ ഇന്ന് കവിളിൽ മാത്രമേ മുത്തം തരുള്ളൂ എന്നാണ് അവൾ കരുതിയത്…

ആദ്യമൊക്കെ അവന്റെ പുറത്തായി കയ്യിട്ടടിച്ചെങ്കിലും അവന്റെ അധര ലാളനയിൽ അവളും അലിഞ്ഞു ചേർന്നു….. പുലിയെ പോലെ ചീറി കൊണ്ടിരുന്ന പെണ്ണ് തന്റെ കൈക്കുള്ളിൽ ഒതുങ്ങി നിൽക്കുന്നത് അറിയേ അവന്റെ മിഴികൾ തിളങ്ങി…

അവൾക്ക് ഒട്ടും പറ്റുന്നില്ല എന്ന് മനസ്സിലായതും ഇരു ദളങ്ങളും ഒന്ന് നുണഞ്ഞു കീഴ് ചുണ്ടിൽ ഒന്ന് പല്ലമർത്തി കൊച്ചു അവളിൽ നിന്നകന്നു….. അടുത്ത നിമിഷം തന്നെ എലിയുടെ വലം കൈ ശക്തമായി കൊച്ചുവിന്റെ കവിളിൽ പതിഞ്ഞു…

നിന്നോട് ഞാൻ എത്ര തവണ പറഞ്ഞിട്ടുണ്ട് മനുഷ്യന്റെ ചുണ്ട് കടിച്ചു പൊട്ടിക്കരുത് എന്ന് ….

എവിടെ ആൾക്കൊരു കൂസലും ഇല്ലാ… മാത്രവുമല്ല കൂർപ്പിച്ചു നോക്കുന്നവളുടെ നോട്ടം അവഗണിച്ചു smudge ആയ ലിപ് സ്റ്റിക് തുടച്ചു കൊടുക്കുകയാണ്….

എലി തലയ്ക്കു കൈ വച്ചു പോയി… അവന്റെ ഭാവം കണ്ടാൽ അടി കിട്ടിയതൊന്നും അവനാണെന്ന് തോന്നില്ല….

ഇങ്ങനെ ഒരു പ്രാന്തൻ…എന്റെ ലിപ് സ്റ്റിക്ക് പോയോ എന്തോ…

ഞൊടിയുന്നവളെ കേൾക്കെ കൊച്ചു പോക്കറ്റിൽ നിന്ന് ഫോൺ എടുത്ത് ക്യാമറ ഓൺ ആക്കി കൊടുത്തു….

അതാ… ഒക്കെ പോയി… പൊട്ടിയതും മനസ്സിലാവും… എനിക്ക് ഫാമിലി ഫോട്ടോ എടുക്കാൻ ഉള്ളതാ…

പല്ലും കടിച്ചു പറയുന്നവളെ വക വയ്ക്കാതെ കൊച്ചു അവളുടെ ഇടുപ്പിൽ സാരിയ്ക്കുള്ളിൽ ഒളിപ്പിച്ചു വച്ചിരുന്ന ലിപ് സ്റ്റിക് എടുത്ത് ചുണ്ടിൽ ഇട്ടു കൊടുക്കാൻ തുടങ്ങി…
എലിയുടെ കണ്ണൊക്കെ മിഴിഞ്ഞു ഇപ്പോൾ പുറത്തു വരും…

അയ്യേ… അപ്പോൾ ലിപ്സ്റ്റിക് കാണുന്നുണ്ടായിരുന്നോ… എന്നിട്ട് ഇവ ഒന്നും പറഞ്ഞില്ലാലോ….

കാണുന്നൊന്നുമില്ല…. ഞാൻ നീ വയ്ക്കുന്നത് കണ്ടിരുന്നു…

You bloody pervert… ഞാൻ ചേഞ്ച്‌ ചെയ്യുന്നേരം
മുഴുവൻ ഉണ്ടായിരുന്നോ അവിടെ…

കുറച്ച് ലേറ്റ് ആയിരുന്നു…. എങ്കിലും കുറച്ച് കണ്ടിട്ടുണ്ട്…

വിരലും ചൂണ്ടി മൂക്കിൻ തുമ്പ് വിറപ്പിച്ചു പറയുന്നവളെ നോക്കി ഒരു വെടക്ക് ചിരിയാലേ പറയുന്നുണ്ടവൻ….

കർത്താവാണെ സത്യം…. ഇങ്ങനെ പോയാൽ നിന്റെ അന്ത്യം എന്റെ കൈ കൊണ്ടായിരിക്കും

അവന്റെ കൈകളിൽ തന്റെ കൂർത്ത നഖം അമർത്തി കൊണ്ട് എലി തന്റെ രോഷം പ്രകടമാക്കി… അവന്റെ കയ്യിലും നെഞ്ചിലും ഒക്കെയായി അവൾ കൊടുത്ത ഒരുപാട് സീൽ വേറെയുമുണ്ട്…

എന്നിട്ടും ഒരു കൂസമില്ലാതെ ചിരിക്കുന്നവനെ കാണെ എലിക്ക് വീണ്ടും ഒന്ന് പൊട്ടിക്കാൻ ആണ് തോന്നിയത്…. കൈ വീശി അത് പ്രാവർത്തികം ആക്കും മുൻപേ
കൊച്ചു അത് തടഞ്ഞിരുന്നു…

എന്റെ എൽസയാണെ സത്യം ഇനി ഇന്ന് നീ എന്റെ ദേഹത്തു കൈവച്ചാൽ നമ്മൾ രണ്ടും ഇവിടെ നിന്ന് പോകില്ല…. ആ വാതിലും തുറന്നു പോകുമ്പോൾ നമ്മൾ മൂന്നായി മാറിക്കാണും…..

ദേ വഷളത്തരം പറഞ്ഞാലുണ്ടല്ലോ…

പറഞ്ഞാൽ….

പറഞ്ഞാൽ കഴിഞ്ഞ ഒരു മാസം എങ്ങനെ ആയിരുന്നോ അതു പോലെ തന്നെ ആയിരിക്കും ഇനി അങ്ങോട്ട്‌…. ഞാൻ മിണ്ടില്ല….

പിണങ്ങിയോ എന്റെ എൽസ….

ആ… പിണങ്ങി…

എങ്കിൽ ആ പിണക്കം മാറ്റാൻ ഞാൻ എന്നാ ചെയ്യണം….

അത് കേൾക്കെ എലി കാര്യമായി ആലോചിച്ചു…പിന്നെ മുന്നോട്ടാഞ്ഞു ഷർട്ടിന്റെ കോളറിൽ ഒരു കിസ്സ് അങ്ങ് വച്ചു കൊടുത്തു…. ചുണ്ടിൽ ഉണ്ടായിരുന്ന എക്സസ്സ് ലിപ്സ്റ്റിക് സ്റ്റൈൻ ഒക്കെ ഇപ്പോൾ വൃത്തിക്ക് ആ കോളറിൽ കാണാം…

എലി തൃപ്തിയോടെ തന്റെ കലാവിരുതിൽ നോക്കി….
കൊച് അടയാളം വച്ചതാണ്… അവനെ ചുറ്റി പറ്റി കുറച്ചു തരുണീമണികൾ നടക്കുന്നത് അവൾ പ്രത്യേകം ശ്രദ്ധിച്ചിരുന്നു… കാര്യം അവനത് ശ്രദ്ധിക്കുന്നില്ലെങ്കിലും അവൾക്കങ് വെറുതെ ഇരിക്കാൻ പറ്റില്ലല്ലോ….
കൊച്ചു വെറുതെ പോലും മറ്റൊരു പെണ്ണിന്റെ മുഖത്തേക്ക് പോലും നോക്കില്ലെന്ന് അവൾക്ക് ഉറപ്പാണ്… എങ്കിലും വെറുതെ മറ്റുളവർക്ക് ഒരു മോഹം നൽകേണ്ട എന്നോർത്താണ്….

ഇനി പൊക്കോ….

കോളറിൽ ഒരു തട്ടും കൊടുത്തു ഗൗരവത്തിൽ പറയുന്നുണ്ട് എലി…. ഇതൊക്കെ കാണെ കൊച്ചുവിന്റെ ചിരിയുടെ ആഴം ഒന്ന് കൂടിയതെ ഉള്ളു…
അതേ ചിരിയോടെ അവളുടെ കവിളിൽ അവൻ അമർത്തി ചുണ്ടുകൾ ചേർത്തു….

പോലീസ് പോയേ… ഇവ എന്നെ കൂട്ടാതെ വല്ലതും മുണുങ്ങുന്നുണ്ടാവും…. വിട്ടേ… വിട്ടേ…

മനസ്സില്ലാ മനസ്സോടെ കൊച്ചു അവളെ ടേബിളിൽ നിന്ന് ഇറക്കി.. പിന്നെ രണ്ട് പേരും ഫുഡ്‌ സെക്ഷനിലേക്ക് നടന്നു…. അവിടെ ഇവ കാര്യമായ പോളിങ്ങിൽ ആണ്…

അതു കണ്ടപ്പോൾ തന്നെ കൊച്ചുവിന്റെ കയ്യും വിട്ടേച്ചു എലിയും കൂടെ കൂടി…

ഇങ്ങനെ പോയാൽ വരുന്നവർക്ക് വല്ലതും കാണുമോ എന്തോ …

ഫോണിൽ നിന്ന് മുഖം ഉയർത്തി നോക്കിയപ്പോൾ കണ്ട കാഴ്ച കാണെ കുഞ്ഞൻ ഒന്ന് ചിന്തിക്കാതെ ഇരുന്നില്ല..

എണീറ്റെ…. നമ്മളെ ഫോട്ടോ എടുക്കാൻ റിച്ചിചായൻ വിളിക്കുണ്ട്…

ഇവയുടെ കൈ പിടിച്ചു കുഞ്ഞൻ പറഞ്ഞതും കൊച്ചുവും എലിയോട് എഴുന്നൽക്കാൻ കണ്ണ് കാണിച്ചു…. അതോടെ നാല് പേരും സ്റ്റേജിൽ പോയി വീണ്ടും കുറെ ഫോട്ടോസ് എടുത്തു…പിന്നെ അങ്ങോട്ട് ഫോട്ടോ എടുപ്പും ഫുഡ് അടിയും തന്നെ ആയിരുന്നു….

ഡ്രിങ്ക്സ് സർവ് ചെയ്യുന്നുണ്ടായിരുന്നെങ്കിലും കൊച്ചുവിന്റെയോ കുഞ്ഞന്റെയോ നോട്ടം അങ്ങോട്ട് പതിഞ്ഞിട്ട് കൂടെ ഇല്ലായിരുന്നു…. എല്ലാം പെൺപിള്ളേരുടെ കഴിവ്….

ദിവസങ്ങൾ മുന്നോട്ട് പോയി… കൊച്ചു ട്രെയിനിങ്ങിന് നോർത്തിലേക്ക് പോയി… ഇവയും എലിയും കഷ്ടപ്പെട്ട് പി എസ് സി ക്ക് വേണ്ടി പഠിക്കുകയാണ്…. റാങ്ക് ലിസ്റ്റിൽ കയറിപ്പറ്റുവാൻ കഴിഞ്ഞെങ്കിലും ഇപ്പോഴൊന്നും ഒരു ജോലി സാധ്യമെല്ലെന്ന് മനസ്സിലായതും ഇരുവരും പ്ലാൻ ചെറുതായി ഒന്ന് മാറ്റി…. ഇപ്പോൾ ഒരു കഫെ തുടങ്ങി… ബീച്ചിനടുത്തു എസ്ത്തെറ്റിക് ആയിട്ടുള്ളൊരു കഫെ…

അത്യാവശ്യം മോശമില്ലാത്ത കച്ചവടം നടക്കുന്നത് കൊണ്ട് രണ്ട് പേരും ഹാപ്പി ആണ്… പിന്നെ പറഞ്ഞത് പോലെ രണ്ട് പേരും സോഷ്യൽ മീഡിയയിൽ വീഡിയോയും ഇട്ടു തുടങ്ങിയിട്ടുണ്ട്…. അവരുടേതായ സന്തോഷം നിറഞ്ഞ ഒരു ലോകത്താണ് ഇരുവരും ഇപ്പോൾ….

സന്തോഷത്തിന് ആക്കം കൂട്ടി സെലിൻ രണ്ട് മാസം പ്രെഗ്നന്റ് ആണ്… റിച്ചി നിലത്തൊന്നും അല്ലായിരുന്നു കാര്യം അറിഞ്ഞപ്പോൾ….

ഇന്നാണ് കൊച്ചുവിന്റെ ഫസ്റ്റ് പോസ്റ്റിങ്ങ്‌…. ഭാഗ്യം എന്നത് പോലെ അവന്റെ ഹോം ടൗണിൽ തന്നെയാണ് ജോലിയുടെ തുടക്കം…

നീ എന്നിട്ട് അവനൊന്നും കൊടുക്കുന്നില്ലേ…

അതാ ഞാനും ഓർക്കുന്നത്… ഫ്ലവർ ഷോപ്പിൽ വിളിച്ചു ഞാൻ ഒരു ബൊക്കെ പറഞ്ഞിട്ടുണ്ട്… അതു മാത്രം മതിയോ…

ഇവയുടെ ചോദ്യം കേൾക്കെ എലിയും സംശത്തോടെ ചോദിക്കുന്നുണ്ട്…. രാവിലെ തന്നെ രണ്ട് പേരും കഫെയിൽ വന്നതാണ്… ഓപ്പൺ ആകുന്നത് പന്ത്രണ്ട് മണിക്ക് ശേഷം ആണെങ്കിലും കാര്യങ്ങൾ ഒക്കെയും അറേഞ്ച് ചെയ്യാൻ രാവിലെ രണ്ടും ഇങ് പോരും…

അത് മതിയാകും… അല്ലെങ്കിൽ നീ ഒരു കാര്യം ചെയ്യ്‌… അവന് ഒരു ഷർട്ടും കൂടെ മേടിച്ചു കൊടുക്ക്….

അത് നല്ലൊരു ഇതാണ്… എങ്കിലേ…. എന്റെ പൊന്ന് ഇവയല്ലേ… ഞാൻ ഇപ്പോൾ പൊക്കോട്ടെ… ഇവിടെ മാനസി ഇല്ലേ… ഞാൻ പൊക്കോട്ടെ….എന്റെ പൊന്നല്ലേ… പ്ലീസ്

കൊഞ്ചി കൊണ്ട് പറയുന്നവളെ കേൾക്കെ ഇവ പല്ലും കടിച്ചു സമ്മതിച്ചു… അതോടെ ഒരു മൂളിപ്പാട്ടും പാടി വണ്ടിയും എടുത്ത് എലി സവാരിക്ക് ഇറങ്ങി….

പള്ളിയിൽ കയറി മെഴുകുതിരിയും കത്തിച്ചു അവന് വേണ്ടി കർത്താവിന് മുന്നിൽ മുട്ട് കുത്തിയപ്പോൾ തന്നെ അവളുടെ മനസിന് ഒരു സമാധാനം ആയിരുന്നു… പള്ളിയിൽ നിന്നിറങ്ങിയപ്പോൾ തന്നെ കണ്ടു പള്ളി മുറ്റത്തായി പറന്നു നടക്കുന്ന ഒരു കൂട്ടം വെള്ളരി പ്രാവുകളെ….

അവളുടെ മനസ്സൊന്ന് കുളിർന്നു…. അവിടെ നിന്ന് നേരെ പോയത് ഫ്ലവർ മേടിക്കാൻ ആയിരുന്നു…അയാൾക്ക് പറഞ്ഞതിലും കൂടുതൽ പൈസ കൊടുത്തു എലി തന്റെ സന്തോഷം അറിയിച്ചു… ഇനി വേണം ഷർട്ട് എടുക്കാൻ…. സമാധനത്തിന്റ പ്രതീകമായ വെള്ള തന്നെ വാങ്ങാം എന്നോർത്ത് വണ്ടി മുന്നോട്ട് എടുക്കുമ്പോൾ ആയിരുന്നു അല്പം പ്രായമായ ഒരു സ്ത്രീ സഞ്ചിയും തൂക്കി പിടിച്ചു നടക്കുന്നത് കണ്ടത്…

അവളുടെ മനസ്സൊന്നു അലിഞ്ഞു… മനസ്സിൽ തന്റെ സ്വന്തം വല്യമ്മച്ചിയുടെ മുഖം നിറഞ്ഞു….

അമ്മച്ചി എങ്ങോട്ടാ….

അതു മോളെ ടൗണിലേക്കാ… കുറെ നേരമായി ഓട്ടോ കാത്ത് നിൽക്കുന്നു… കിട്ടാത്തത് കൊണ്ടാ നടക്കാം എന്നോർത്തത്…

ആണോ.. എങ്കിൽ ഞാനും അങ്ങോട്ട… അമ്മച്ചി കയറിക്കോ… ഞാൻ ഇറക്കി തരാം…

അതു വേണോ…. മോൾക്കൊരു ബുദ്ധിമുട്ട്

അവരുടെ മടി കണ്ടതും എലി ഹൃദ്യമായി ഒന്ന് ചിരിച്ചു…

എന്ത് ബുദ്ധിമുട്ട്… ഇനിയിപ്പോ അമ്മച്ചി കയറിയില്ലെങ്കിലാ എനിക്ക് വിഷമം ആവുക… അത് കൊണ്ട് വേഗം കയറിക്കേ….

മോളെ കർത്താവ് അനുഗ്രഹിക്കും

വർദ്ധ്യക്യത്തിന്റെ അവശത കലർന്ന സ്വരത്തിലുള്ള സംസാരം കേൾക്കെ എലിക്ക് പാവം തോന്നി… അവരെ ബുദ്ധിമുട്ടിക്കാതെ ഇരിക്കാൻ വളരെ മെല്ലെ ആയിരുന്നു എലി വണ്ടി ഓടിച്ചത്…

കുറച്ച് മുന്നോട്ട് എത്തിയതും പോലീസ് ജീപ്പ് കണ്ടതും എലി സ്കൂട്ടിയുടെ വേഗത ഒന്ന് കൂടെ കുറച്ചു…

എന്താ മോളെ….

ചെക്കിങ് ആണ് അമ്മച്ചി… ഇതിപ്പോൾ കഴിയും…

കോൺസ്റ്റബിൾ കൈ നീട്ടിയതും വണ്ടി ഒതുക്കിയത് കണ്ട് ആ വായോധിക ചോദിച്ചു…. അതിനുള്ള മറുപടി അവൾ പറഞ്ഞു തീർക്കും മുൻപേ ആ കവർ നിലത്തിട്ടു അവര് വണ്ടിയിൽ നിന്നിറങ്ങി ഓടിയിരുന്നു…

ഓടിക്കോ മോളെ….

എലിയാകെ കണ്ണും മിഴിച്ചു വായി പൊളിച്ചൊരു നിൽപ്പാണ്… എന്താണ് സംഭവിക്കുന്നത് എന്ന് പ്രോസസ് ആകും മുൻപേ കുറച്ചു പോലീസുകാർ അവരുടെ പിറകെ ഓടിയിരുന്നു… നേരത്തെ കിതയ്‌പ്പടക്കാതെ ഒരു സെന്റെൻസ് തികച്ചു പറയാൻ കഴിയാതിരുന്ന സ്ത്രീയാണ് ഇപ്പോൾ നാല് കാലിൽ ഓടുന്നത്…

ഇവർക്ക് ഇത് എന്ത് പറ്റി എന്നാലോചിച്ചു തല ചെരിച്ചപ്പോൾ ആണ് റോഡിൽ അവരുടെ കയ്യിലെ സഞ്ചിയിൽ നിന്ന് മറിഞ്ഞ ഒരു വെള്ള പൊടിയുടെ പൊതി കണ്ടത്….

എലിയുടെ ബോധം ഇപ്പോൾ പോകും എന്ന മട്ടാണ്….

പെണ്ണുംപിള്ള ചതിച്ചല്ലോ കർത്താവെ

അടുത്ത നിമിഷം തന്നെ മറ്റു പോലീസ് ഓഫീസർമാർ വന്നു അവൾക്ക് ചുറ്റും കൂടി…

എൽസ

ഏതോ ഗുഹയിൽ നിന്ന് കേൾക്കുന്നത് പോലെയുള്ള കൊച്ചുവിന്റെ സ്വരം എലി കേട്ടു..

അഗസ്റ്റി… സത്യായിട്ടും എനിക്കാ തള്ളയെ അറിയില്ല… പാവം തോന്നി അവർക്ക് ലിഫ്റ്റ് കൊടുത്തതായിരുന്നു…

ഹേയ്.. കൂൾ… I know… റഹീം,അവരെ ചോദ്യം ചെയ്യ്‌.. പിന്നെ ഇത് ലാബിലേക്ക് ടെസ്റ്റിന് അയക്ക് ഞാൻ ഇപ്പോൾ വരാം…

കൊച്ചു എലിയുടെ വണ്ടിയും എടുത്തു നേരെ അവരുടെ കഫെയിലേക്ക് ആണ് പോയത്…..

എന്റെ പൊന്നെ… എന്നാലും നിനക്ക് ഇത് എങ്ങനെ സാധിക്കുന്നു….

കാര്യം ഒക്കെ കേട്ടതും താടിയിൽ കൈ വച്ചു കൊണ്ട് ചോദിക്കുന്നുണ്ട് ഇവ….അതിന് എലി അവളെ തറപ്പിച്ചു നോക്കി….

അല്ലെങ്കിലും കാവടി തുള്ളി പോകുന്നത് കണ്ടപ്പോഴേ ഇത് ഇങ്ങനെ ഒക്കെയേ അവസാനിക്കു എന്നെനിക്ക് തോന്നിയതാ…

ഇവാ….

ഇവ നിർത്തില്ലെന്ന് തോന്നിയതും കൊച്ചു അവളെ വിളിച്ചു…

ഓഹ് ഞാൻ പോണ്… കസ്റ്റമർസ് വന്നു തുടങ്ങി…

ചുണ്ടും കോട്ടി എഴുനേറ്റ് പോയവൾ…. എലിയാകെ മൂഞ്ചി നിൽക്കുകയായിരുന്നു… എന്തോ പോയ ആരെയോ പോലെയുള്ള അവളുടെ ഇരിപ്പ് കാണുമ്പോൾ കൊച്ചുവിന് ഒരു ഉമ്മയൊക്കെ കൊടുക്കാൻ ആണ് തോന്നുന്നത്….

എന്നിട്ട് എനിക്ക് ഫ്ലാവെർസ് മാത്രമേ ഉള്ളു…

വിഷയം മറ്റുവാൻ എന്നവണ്ണം ചോദിച്ചവൻ…

ഷർട്ട് മേടിക്കാൻ പോയപ്പോൾ അല്ലേ ആ പെണ്ണുംപിള്ളയേ കണ്ടത്.. സോറി… ഞാൻ കാരണം നിന്റെ ഫസ്റ്റ് ഡേ ruin ആയി അല്ലേ…

വിഷമത്തോടെ പറയുന്നവളെ കാണെ അത്യധികം പ്രണയത്തോടെ അവനാ നെറുകയിൽ ചുണ്ടമർത്തി…

ദേ… ആള്ക്കാര് ഉണ്ട്….

കണ്ണുരുട്ടി പറയുന്നവളെ കേൾക്കുന്നു കൂടെയിലവൻ.. ആ കണ്ണിങ്ങനെ അവളുടെ മുഖമാകെ ഓടി നടക്കുകയാണ്… ഇനി ഇവിടെ ഇരിക്കുന്നത് അത്ര പന്തിയല്ലെന്ന് മനസ്സിലായതും അവളെഴുന്നേറ്റു ബില്ലിങ് സെക്ഷനിലേക്ക് ഓടി…

പിന്നെ അധികം കൊച്ചു സ്റ്റേഷനിലേക്ക് തന്നെ തിരിച്ചു പോയി… അന്ന് പതിവിലും കസ്റ്റമർസ് ഉണ്ടായിരുന്നു…. അതു കൊണ്ട് തന്നെ രണ്ട് പേരും നല്ല തിരക്കിൽ ആയിരുന്നു കിച്ചണിലും റഷ് തന്നെ ആയിരുന്നു….

എല്ലാം ഒതുക്കി കഫെ ക്ലോസ് ചെയ്യാൻ നിൽക്കുമ്പോൾ ആയിരുന്നു വീണ്ടും ഒരാൾ കയറി വന്നത്… രണ്ട് പേരും കിച്ചണിൽ ക്‌ളീനിംഗ് ആയിരുന്നു…

എലി പോയി നോക്കിക്കേ… ഷോപ്പ് ക്ലോസ് ആക്കി എന്ന് പറഞ്ഞേക്ക്…. പതിനൊന്നു മണിയായി…

ആപ്രൺ ഊരി ടവലിൽ കയ്യും തുടച്ചു പോകുന്നവളെ നോക്കി ഇവ ക്‌ളീനിംഗ് തുടർന്നു…

പെട്ടെന്നാണ് രണ്ട് കരങ്ങൾ വന്നു അവളെ പിറകിൽ നിന്ന് പുണർന്നത്… അവളുടെ കയ്യിൽ നിന്ന് സ്പാച്ചുല നിലത്തേക്ക് മറിഞ്ഞു…

ഇവാഹ്… മിസ്സ്‌ യു

അവളുടെ മുടിയിലായി മുഖം പൂയ്ത്തിക്കൊണ്ട് കുഞ്ഞൻ മൊഴിഞ്ഞു… അവളുടെ ശ്വാസം ഒന്ന് കനത്തു….

ഫെലിച്ചാ… വിട്ടേ…

അവളുടെ സ്വരം നേർത്തു…

No… I want a kiss

ന്… നിങ്ങൾ ഇതെന്തൊക്കെയാ പറയുന്നത്…. വിട്ടേ…എനിക്ക് മേല് വേദനിക്കുന്നു….

ഞെക്കി പൊട്ടിക്കും പോലെ തന്നെ മുറുക്കെ പുണർന്നവന്റെ കയ്യിലായി പിടിച്ചു കൊണ്ട് പറഞ്ഞവൾ…. അതിന് മറുപടിയായി അവനാ കഴുത്തിൽ ചുണ്ടമർത്തി….
അവളെ തിരിച്ചു പിടിച്ചു ആ നെറുകയിൽ ചുണ്ട് ചേർത്തു…ഇവയുടെ ഹൃദയം ഇപ്പോൾ പൊട്ടുമെന്ന് കണക്കെ മിടിക്കുകയാണ്…
അടുത്തതായി അവന്റെ ചുണ്ടുകൾ പതിഞ്ഞത് ഇരു കവിളുകളിൽ ആണ്.. പിന്നെ താടി തുമ്പിൽ.. അങ്ങനെ അങ്ങനെ അവളുടെ മുഖമാകെ അവന്റെ ചുണ്ടുകൾ അലഞ്ഞു….

May i

ചുണ്ടുകൾ തമ്മിൽ നൂലിയ ദൂരം ബാക്കി നിൽക്കെ കിതാപ്പേറിയ സ്വരത്തോടെ ചോദിച്ചവൻ… അതിന് മറുപടിയായി ഇവ ആ ചുണ്ടോട് ചുണ്ട് ചേർത്തു…

അവസാനിച്ചു 💌

Niha